20 YANVAR ÜMUMXALQ HÜZN GÜNÜDÜR
Məktəbin ibtidai sinif şagirdlərin ıştiraki ilə və məktəbin UBTR rəhbəri Bənurə Tağıyevanın rəhbərliyi ilə 20 Yanvar şəhidlərinin xatirəsinə həsr edilmiş dərs keçirib. Şəhidlərimiz bir dəqiqəlik sükutla yad edilib. Sonra şagirdlər təqdimatla çıxış ediblər. Müəllim bildirib ki, Müasir Azərbaycan tarixinin hüznlü, eyni zamanda, qürur mənbəyi olan 20 Yanvar faciəsinin 35-ci ildönümü respublikamızın hər yerində ehtiramla yad edilir. Azərbaycan xalqının qürur mücəssəməsinə çevrilən, ən yeni tariximizin şərəfli səhifələrindən biri sayılan bu faciə xalqımızın azadlıq, demokratiya və suverenlik uğrunda apardığı mübarizənin dönməzliyini bütün dünyaya nümayiş etdirdi.
