"Bayraq mənliyimdir, bayraq kimliyim, Bayraq öz yurduma öz hakimliyim!" mövzusunda tədbir keçirilib
Məktəbimizdə 9 Noyabr Bayraq Günü münasibətilə tədbir keçirilib.Tədbir Azərbaycan Respublikasının Dövlət Himninin oxunması və torpaq uğrunda, dövlətçiliyimiz uğrunda canlarından keçmiş şəhidlərimizi 1 dəqiqəlik sükutla yad etməklə başlanıb. Tədbirdə Azərbaycan Respublikası Dövlət Bayrağının yaranma tarixindən, dövlət bayramı kimi qeyd edilməsindən, dövlət rəmzlərindən biri kimi əhəmiyyətindən danışılıb. Şagirdlər tərəfindən bayraq haqqında şeirlər deyilib, vətənpərvərlik mövzusunda mahnılar oxunub, rəqslər ifa olunub. Eyni zamanda, şəhidlərimizə həsr olunmuş kompozisiya da izləyənlər tərəfindən maraqla qarşılanıb. Tədbirin sonunda məktəbin direktoru Kəmalə Qədirova Azərbaycan xalqını, valideynləri, müəllimləri və şagirdləri təbrik edib, xoş arzular diləyib.
