QARABAĞ QAZİLƏRİMİZ
Məktəbin Azərbaycan dili müəllimləri Gülnarə Həsənova və Sevinc Beybudova 7"C"sinfində “Qarabağ qazilərimiz” adlı dəyirmi masa keçiriblər. Tədbirdə şagirdlər Azərbaycan Respublikasının Dövlət Himnini oxuyublar. Sonra şagirdlər 44 günlük müharibədə sücaətlə vuruşmuş qazilərimiz Nizami Əliyev, Şəhriyar Qasımov, Dünyamin Behbudov, Tehran Mənsimov və başqalarının döyüş yolundan, göstərdikləri qəhrəmanlıqlardan danışıblar. Torpaqlarımızın qorunması, vətənimizin müdafiəsi uğrunda canından, qanından keçərək şəhidlik zirvəsinə ucalan qəhrəmanların ən böyük şərəf və qürur mücəssəməsi olduqlarını bildiriblər.Tədbirdə məktəbin təlim-tərbiyə işləri üzrə direktor müavini Nazimə Zeyanalova iştirak edib.
