MƏKTƏBƏHAZIRLIQ QRUPLARINDA MƏŞĞƏLƏLƏRƏ START VERİLİB
Məktəbimizdə məktəbəhazırlıq qruplarında məşğələlər bu gündən başlayıb. Balaca fidanlarımız böyük həvəslə məktəbə gəliblər. Bildiyimiz kimi məktəbəhazırlıq qruplarının əsas məqsədi uşaqların tədrisə hazırlıqlı başlaması, dərs prosesinə öncədən alışması, onlarda müəyyən bilik və bacarıqların formalaşdırılmasıdır. Məktəbəhazırlıq qruplarında gün ərzində 3 məşğələ, həftədə 4 gün olmaqla, ümumilikdə 12 məşğələ keçirilir. Bir məşğələnin müddəti 30 dəqiqə, məşğələlərarası fasilə 10 dəqiqə müəyyənləşdirilib. Qruplarda “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi”, “Fiziki mədəniyyət” məşğələləri keçirilir. Balaca fidanlarımıza uğurlar arzulayırıq.
