“21 SENTYABR- BEYNƏLXALQ SÜLH GÜNÜDÜR”
Sülh - əmin-amanlıq, qurub-yaratmaq, dinclik, sosial, iqtisadi və mədəni inkişafdır. Sülh-azadlıq, bərabərlik və ədalətdir. Sülh-hər bir cəmiyyətin, ümumiyyətlə, bəşəriyyətin ən çox arzu etdiyi dəyərlərdən biridir. BMT bu günü 1981-ci ildə təsis edib. İlk sülh günü 1981-ci ilin sentyabrında qeyd olunub. 2001-ci ildə Birləşmiş Krallıq tərəfindən təklif olunan qətnamə ilə 2002-ci ildə BMT Sülh günü üçün 21 sentyabr tarixini dəqiq tarix kimi müəyyənləşdirib və bu tarixi ümumdünya atəşkəs günü elan edib.
Məktəbimizdə “Sülh Günü” münasibətilə tədbirlər keçirilib. İbtidai sinif müəllimləri şagirdlərə sülh günü haqqında məlumat veriblər. Şagirdlər sülh gününə həsr olunmuş şeirlər söyləyiblər .Şagirdlər təqdimatlarında bildiriblər ki, dərisinin rəngindən, dini etiqadlarından asılı olmayaraq, yüz milyonlarla insan sülhü qorumaq, yeni qanlı müharibələrin qabağını almaq üçün birləşməlidir. Müəllimlər öz çıxışlarında qeyd ediblər ki, 21 Sentyabr ,nəinki yalnız xalqlar arasında, həmçinin, ailələrdə, məktəblərdə köklü zorakılığa qarşı mübarizənin əldə olunmasına nail olmaq üçün bir gündür. Bu səbəbdən də 21 Sentyabr bütün planet insanları üçün çox vacibdir.
