144 , 157 və 267 nömrəli məktəblərin iştirakı ilə Hərbi Birlik Oyunu
144 , 157 və 267 nömrəli məktəblərin iştirakı ilə Hərbi Birlik Oyunu
Üç məktəbin güc və vətənpərvərlik nümayişi
28 May – Müstəqillik Gününə həsr olunmuş Hərbi Birlik Oyunu çərçivəsində 144, 157 və 267 nömrəli tam orta məktəblər iki gün davam edən maraqlı və zəngin hərbi-idman tədbirlərində iştirak etdilər.
Tədbirin birinci mərhələsi 26 may tarixində hər məktəbdə ayrıca təşkil olundu. Bu mərhələdə şagirdlər:
• fiziki dözümlülük,
• silah söküb-yığma bacarığı,
• hərbi hazırlıq səviyyələri üzrə yoxlanıldılar.
144 nömrəli məktəbdə keçirilən seçim mərhələsi həm də 2024–2025-ci tədris ilində keçirilmiş hərbi hazırlıq dərslərinin yekun hesabatı kimi qiymətləndirildi. Bu mərhələ, eyni zamanda növbəti gün keçiriləcək Birlik Oyunu üçün şagirdlərin seçim prosesi idi.
İkinci mərhələ isə 27 may tarixində 157 nömrəli tam orta məktəbin ev sahibliyilə keçirildi. Bu mərhələdə artıq ənənəyə çevrilmiş üç məktəb arasında Hərbi Birlik Oyunu baş tutdu. Yarışlara hər üç məktəbin hərbi rəhbərləri və seçilmiş şagirdləri qatıldı.
Burada şagirdlər:
• silahı ən qısa müddətdə söküb-yığmaq,
• vətənpərvərlik və hərbi biliklər üzrə sualları cavablandırmaq,
• kəndir dartmaqla fiziki gücünü nümayiş etdirmək imkanları qazandılar.
Bundan əlavə, tədbirin sonunda şagirdlərin ifasında vətənpərvərlik ruhunda musiqilər səsləndirildi, yarışlarda fərqlənənlər, müəllimlər və hərbi rəhbərlər diplom və mükafatlarla təltif olundular.
Bu hərbi-idman tədbiri həm Müstəqillik Gününün mənəvi dəyərini, həm də gənc nəslin Vətənə hazırlığını nümayiş etdirən əlamətdar bir hesabat oldu.
