115 №-li tam orta məktəb

“1 dekabr - Ümumdünya QİÇS-lə mübarizə günüdür” adlı tədbir keçirildi.A.Məmmədov adına 115 nömrəli tam orta məktəbin biologiya müəllimi Sevinc Alışanovanın təşkilatçılığı və 9 c sinif şagirdlərinin iştirakı ilə “ 1 dekabr - Ümumdünya QİÇS- lə mübarizə günüdür” adlı tədbir keçirildi. Tədbirdə şagirdlər insan immun çatışmazlığı virusunun törətdiyi xəstəliyinin yayılmasının qarşısının alınması haqqında məlumatlar verdilər və videoçarx izlədilər. Tədbirin sonunda şagirdləri mövzu ətrafında maraqlandıran sualları Azərbaycan Maarifçi Gənclər Təşkilatının sədri Mərziyyə Aslan və təşkilatın üzvü Ruhiyyə Aslanova cavablandırdılar.

“Yol hərəkət təhlükəsizliyi sahəsində təbliğat-təşviqat işinin təşkili ilə bağlı 2020-2023-cü illər Tədbir Planı”nın icrası.Azərbaycan Respublikası Nazirlər Kabinetinin 31.05.2020-ci il tarixli 230 nömrəli sərəncamı ilə təsdiq olunmuş “Yol hərəkət təhlükəsizliyi sahəsində təbliğat-təşviqat işinin təşkili ilə bağlı 2020-2023-cü illər Tədbir Planı”nın icrası ilə A.Məmmədov adına 115 nömrəli tam orta məktəbin ibtidai sinif müəllimi Günel Fərzəliyeva 4 a sinif şagirdlərinin iştirakı ilə tədbir keçirdi. Tədbirdə müəllim yol hərəkət qaydaları barədə məlumat verdi.Şagirdlər yol nişanları haqqında şeirlər söylədilər, səhnəciklər nümayiş etdilər. Tədbir “Yol” mahnısının ifası ilə bitdi.

“Erkən nigaha yox !” adlı tədbir keçirildi.Prezident İlham Əliyevin apardığı sosial, iqtisadi və hüquqi islahatlar nəticəsində insan hüquqlarının, o cümlədən uşaq hüquqlarının müdafiəsi dövlət siyasətinin prioritet istiqamətlərindən biri olmuşdur. Uşaqların hüquqlarının daha səmərəli qorunması məqsədilə A.Məmmədov adına 115 nömrəli tam orta məktəbdə “Erkən nigaha yox !” adlı tədbir keçirildi. Tədbirdə 10 a sinif şagirdi Fidan Ağayevanın “ Erkən nigahların qarşısının alınması” mövzusunda hazırladığı videoçarx izlənildi. Məktəbin Azərbaycan dili və ədəbiyyat müəllimi İradə Sədyarova erkən nigahın mənfi cəhətləri haqqında maarifləndirici söhbət etdi. Tədbirin sonunda qarşıya qoyulan mövzu ətrafında şagirdləri maraqlandıran sualları məktəbin psixoloqu Sevil Ağayeva cavablandırdı.