- Natəvan Əsədova Şükür
- Vəzifə: Direktor
- Fənn: Riyaziyyat
- Bitirdiyi təhsil müəssisəsi: Bakı Dövlət Universiteti- mexanika- riyaziyyat fakultəsi
- Təvəllüd: 06.07.1964
- İlk fəaliyyət ili: 01.09.1990
- E-mail: [email protected]
1981-1986-cı illərdə S.M.Kirov adına Azərbacan Dövlət Universitetinin (indiki Bakı Dövlət Universiteti) mexanika- riyaziyyat fakultəsində riyaziyyatçı-müəllim ixtisası üzrə ali təhsili fərqlənmə diplomu ilə bitirmişdir. 1986-1990-cı illərdə Azərbaycan Baş Neft və Qaz maşınları İstehsal Birliyinin hesablama mərkəzində proqramçı- mühəndis vəzifəsində əmək fəaliyyətinə başlamış, 1990-1995-ci illərdə Bakı şəhəri 282 nömrəli tam orta məktəbdə riyaziyyat müəllimi, 1995-1997-ci illərdə Bakı şəhəri 153 nömrəli tam orta məktəbdə sinifdən xaric, məktəbdən kənar işlər üzrə direktor müavini, 1997- 2007-ci illərdə həmin məktəbdə riyaziyat müəllimi, 2007-2013-cü illərdə Fizika-riyaziyyat informatika təmayüllü liseydə riyaziyyat müəllimi, 2013-2015-ci illərdə həmin liseydə təmayül siniflər üzrə direktor müavini vəzifəsində çalışmışdır. 2012-ci ildə Diskret riyaziyyat və riyazi kibernetika ixtisası üzrə “Elliptiк tənliklərlə təsvir olunan proseslərdə adi və ümumiləşmiş idarələrin optimallıq şərtləri” mövzusunda namizədlik dissertasiya işini bitirərək Azərbaycan Respublikası Prezidenti Yanında Ali Attestasiya Komissiyası tərəfindən “riyaziyat üzrə fəlsəfə doktoru” elmi dərəcəsinə layiq görulmüşdür.
2015-ci ildə Azərbaycan Respublikasının Təhsil Nazirliyi, Müasir Təhsilə və Tədrisə Yardım Mərkəzi və Azərbaycan Dövlət İqtisad Universiteti ilə əməkdaşlıq çərçivəsində məktəb direktorları və gələcəkdə bu vəzifədə çalışmaq arzusu olan direktor müavinləri üçün təşkil etdiyi “Məktəb direktorları və direktor müavinləri üçün məktəbin idarə edilməsi” təlimini uğurla bitirmiş, Bakı şəhəri Binəqədi rayonu 3 nömrəli tam orta məktəbin direktoru vəzifəsinə təyin olunmuşdur.
2015-ci il Bakı şəhəri Təhsil idarəsi və Parisin Sorbonna Abu-Dabi Universitetinin təşəbbüsü ilə məktəb idarəetməsi mövzusu ilə bağlı təlimdə iştirak etmiş, yekun qiymətləndirməni uğurla keçərək Paris Sorbonna Abu-Dabi Universitetinin sertifikatının sahibi olmuşdur. Təlimin növbəti mərhələsi Fransanın
Paris şəhərində olmuşdur ki, orada da uğurla iştirak etmişdir.
12 elmi məqalə, 3 tezis və 2 ədəd Müəllimlər üçün metodik vəsaitin müəllifidir. Azərbaycan müəllimlərinim XV Qurultayının iştirakçısı olub.
2018-2019-cu tədris ilində təhsilin inkişafındakı xidmətlərinə və gənc nəslin təlim-tərbiyəsində yüksək nailiyyətlər əldə etdiyinə görə “Azərbaycan Respublikası Təhsil Nazirliyinin Fəxri Fərmanı” ilə təltif olunmuşdur.
YAP-ın üzvüdür.
Ailəlidir, iki övladı var.
Aysel Həsənova Mübariz
Mollayeva Lalə Münasib
