96 №-Lİ TAM ORTA MƏKTƏB

Daha bir uğurumuz96 nömrəli tam orta məktəbin 9"A" sinif şagirdi Abbasov Yaşar Azərbaycan Respublikası Təhsil Nazirliyi və Azərbaycan Respublikası "Təhsil" Respublika İdman Mərkəzinin 1 nömrəli Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin birgə keçirdiyi ümummilli lider Heydər Əliyevin anadan olmasının 99-cu ildönümünə həsr edilmiş 2007-ci il təvəllüdlü 75 kq çəki dərəcəli idmançılar arasında keçirilmiş yunan-roma güləşi yarışında 2-ci yerə layiq görülüb. Şagirdimizin bu sevincini onunla paylaşaraq, onun uğurlarının davamlı olmasını arzu edirik

Şagirdimizin uğuruBakı Şəhəri üzrə Təhsil İdarəsi tərəfindən 2021- ci ilin oktyabr-dekabr aylarında keçirilmiş " Aşıq Ələsgər və Azərbaycan folkloru" mövzusunda yaradıcılıq müsabiqəsinin qalibləri 10 mart 2022- ci il tarixində BŞTİ-nin keçirdiyi mükafatlandırılma tədbirində təltif olunublar. Sevindirici haldır ki, bu şagirdlərin sırasında 96 nömrəli tam orta məktəbin 7-ci sinif şagirdi Alıyeva Aynur İlqar qızı da olub. 11.03.2022-ci il tarixində məktəbin direktoru Mehriban Hacıyeva təşəkkürnamə ilə təltif olunmuş şagirdimizlə görüşərək, onu təbrik edib, ona gələcək müsabiqələrdə daha böyük uğurlar arzu edib.

Şagirdlərimiz "Makerthon 2022” də22.02.2022 tarixində artıq 2-ci dəfə STEAM layihəsi tətbiq olunan məktəb və mərkəzlər üçün təşkil olunan "Makerthon" yarışması keçirilib. Təhsil Texnologiyaları Mərkəzində baş tutan “Makerthon 2022” yarışına qatılaraq 3-cü tura gəlməyi bacaran 96 nömrəli tam orta məktəbin 7”C” sinif şagirdləri Muradov Ağakişi ve Cəfərli Hüseyn iştirak sertifikatı ilə qayıtsalar da növbəti dəfə üçün yaxşı təcrübə və yüksək iştirak stimulu qazanıblar. Şagirdlərimizin STEAM müəllimi və layihə rəhbəri Kəmalə Ələkbərovaya da , Hüseyn və Ağakişiyə də məktəb rəhbərliyi adından təşəkkür edirik.