Təhlükəsizlik tədbirləri ilə bağlı məktəbin texniki heyəti ilə iclas
“Ümumi təhsil müəssisələrində şagird təhıükəsizliyi barədə” Azərbaycan Respublikası Elm Və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyindən daxil olmuş 08.10.2024-cü il tarixli təlimatlı məktuba əsasən məktəblərdə normal iş ahənginin qurulması, təlim-tərbiyə prosesinin mövcud qanunvericiliyin tələblərinə uyğun aparılması, şagirdlərin, müəllimlərin və digər kollektiv üzvlərinin fiziki, psixoloji və sosial təhlükəsizliyinin təmin edilməsi məqsədi ilə həyata keçirilməli vacib tədbirlər çərçivəsində 10.10.2024-cü il tarixdə 96 nömrəli tam orta məktəbin direktoru Mehriban Hacıyeva texniki heyətlə iclas keçirib. İclasda texniki işçilər məktəb mühütündə təhlükəsizliyin təmin olunması istiqamətində onların üzərinə düşən öhdəliklər barədə bir daha təlimatlandırılıb. Tədbirlərin artırılması məqsədi ilə onlara əlavə tapşırıqlar verilib.
