31 mart Azərbaycanlıların Soyqrımı Günüdür
1918-ci ilin 29 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələri azərbaycanlıları kütləvi şəkildə vəhşicəsinə qətlə yetirmişlər. Rəsmi mənbələrə əsasən, bu soyqırımın nəticəsində 12 minə yaxın azərbaycanlı amansızcasına öldürülmüş, on minlərlə insan itkin düşmüşdür.
Ulu Öndər Heydər Əliyev Azərbaycan Respublikasının Prezidenti kimi 26 mart 1998-ci il tarixdə 31 mart Azərbaycanlıların Soyqırımı Günü kimi qeyd olunması barədə Sərəncam imzalamışdır. 1998-ci ildən bəri hər il 31 mart tarixi Azərbaycanlıların Soyqrımı Günü kimi qeyd edilir.
30.03.2024-cü il tarixdə 96 nömrəli məktəbin kitabxanasında bu mövzuda dəyirmi masa təşkil edilib. Şagirdlər tarixin bu acı səhifəsi barədə təqdimatlar edib, müəllimlərlə birgə müzakirələr aparıblar.
