Davranış pozuntularına görə korreksiyaedici tədbirlər həyata keçirilib
“Şagird davranış qaydaları” çərçivə sənədinin pilot olaraq tətbiq olunduğu 96 nömrəli tam orta məktəbdə Nizam-İntizam Şurası fəaliyyət göstərir. Şuranın qəbul etdiyi qərarlara görə şagirdlər ilboyu öz davranışları əsasında rəğbətləndirici və korreksiyaedici tədbirlərə cəlb olunurlar. 15.02.2024-cü il tarixdə bəzi şagirdlər 2-ci səviyyədə davranış pozuntusuna yol verdiklərinə görə “Məktəb rəhbərliyinin üzvü ilə görüş” korreksiyaedici tədbirinə cəlb olunublar. Məktəbin uşaqlarla sinifdənxaric və məktəbdənkənar tərbiyə işi üzrə təşkilatçısı Nigar Süleymanova qayda pozuntusuna yol vermiş şagirdlərlə söhbət aparıb.
