Nizam-İntizam Şurasının aprel ayı üçün hesabat görüşü keçirilib
Azərbaycan Respublikası Elm və Təhsil Nazirliyinin hazırladığı "Ümumi təhsil müəssisələrində şagird davranış qaydaları" adlı çərçivə sənədinin pilot olaraq tətbiq edildiyi məktəblərdən biri də 96 nömrəli tam orta məktəbdir. Artıq bir neçə aydır ki, bu sənədin reallaşdırılması istiqamətində məktəbdə müxtəlif fəaliyyətlər həyata keçirilir. Növbəti addım yaradılmış NİŞ-in aprel ayı üçün hesabat iclasının keçirilməsi olub. İclasın gündəliyində ay ərzində görülmüş işlərin ümumi statistikasının çıxarılması, korreksiyaedici və rəğbətləndirici fəaliyyətlərin hesabatı, görülmüş işlərin effektivliyinin ölçülməsi və s. kimi məsələlər yer alıb.
