"Peşəkarlıq yolunda" layihəsi çərçivəsində tədbir keçirilib
20.12.2022-ci il tarixdə 96 nömrəli tam orta məktəbin akt zalında məktəbin psixoloqu Sevinc Abdullayevanın və şagirdlərin tərbiyə işləri üzrə təşkilatçısı Nigar Süleymanovanın təqdimatında yuxarı sinif şagirdləri üçün "Cəmiyyətə faydalı ol" adlı tədbir keçirilib. Tədbir BŞTİ-nin "Peşəkarlıq yolunda" layihəsi çərçivəsində təşkil edilib. Məqsəd təhsilalanları peşə və ixtisaslar üzrə tələb olunan bilik, bacarıq və səriştələr barədə məlumatlandırmaq, maraq və qabiliyyətlərinə uyğun müvafiq ixtisas və peşə seçiminə yönəltmək olub.
