Daha bir tarix dərsi dinlənilib
29.11.2022-ci il tarixdə məktəbimizin tarix müəllimi Şeyda Hüseynovanın təqdimatında "Azərbaycanlı əhaliyə qarşı ermənilərin törətdiyi kütləvi qırğınlar. Milli demokratik hərəkat" mövzusunda açıq dərs dinlənilib. Dərs 9"B" sinfində təşkil edilib. Azərbaycan xalqı üçün həsas tarixi səhifə olan bu mövzu şagirdlərin də marağına səbəb olub və dərs boyunca onların fəallığına rəvac verib. Uşaqlar mövzu ətrafında öz fikirlərini sərbəst ifadə edərək, mühakimələrini tarixi faktlarla əsaslandırmağa çalışıblar. Dərs uğurlu alınıb. Açıq dərs məktəb rəhbərliyi və fənn müəllimləri tərəfindən dinlənilib.
