Anım Günü ilə əlaqədar məktəb həyətində ağacəkmə aksiyası keçirilib
27 sentyabr Anım Günü ilə əlaqədar 96 nömrəli məktəbin 6"D", 7"C", 8"C" sinif şagirdləri sinif rəhbərləri və biologiya müəllimləri ilə birlikdə Həyat bilgisi, coğrafiya və biologiya dərslərində məktəbin həyətyanı sahəsində ağacəkmə aksiyası keçiriblər. Uşaqlar torpağı bel ilə yumşaldaraq, çalalar qazıb, ağac və gül kollarını çalalara basdırıb, diblərini doldurublar. Əkilmiş kolların dibinə su verilib. Şəhidlərin müqaddəs ruhu bir dəqiqəlik sükutla yad edilib.
