" Könüllü valideyn, məhsuldar müəllim, xoşbəxt şagird" layihəmiz uğurla davam edir
96 nömrəli məktəbdə "Könüllü valideyn, məhsuldar müəllim, uğurlu şagird" layihəsinin icrasına başladığımız bir neçə həftə ərzində tədris mühitində və valideyn icması ilə münasibətlərdə gözəçarpan müsbət dəyişikliklər müşahidə edilib. Bu müddət ərzində məktəb rəhbərliyinə ibtidai sinif pilləsindən bir valideyn şikayəti belə daxil olmayıb. Belə ki, artıq sinif otaqlarında həm valideynin, həm də məktəbin arzuladığı şəffaf və obyektiv mühiti yarada bildiyimiz üçün neqativ nüanslara yol açacaq hər hansı bir məsələ qalmayıb. Könüllü valideynlərin işinə həvəslə və məsuliyyətlə yanaşması uşaqları və müəllimləri daha da stimullaşdırıb. Şagirdlərin tənəffüs vaxtı və dərsdənkənar məşğulluğuna rəng qatılıb.
