90 №-Lİ TAM ORTA MƏKTƏB

KENQURU BEYNƏLXALQ RİYAZİYYAT MÜSABİQƏSİNDƏ ŞAGİRDİMİZ DİPLOMLA TƏLTİF OLUNUBAzərbaycan Respublikasının Təhsil İnstitutunun təşkil etdiyi Kenquru Beynəlxalq Riyaziyyat Müsabiqəsində yüksək nəticə göstərərək finala çıxan 4a sinif şagirdi Ağalı Seyidrəsul Samir oğlu diplomla mükafatlandırılıb. Qeyd edək ki, sözügedən müsabiqə hər il mərkəzi Fransa olan Sərhədsiz Kenquru Assosiasiyasının razılığı ilə dünyanın 80-dən çox ölkəsində təşkil olunur. Müsabiqənin keçirilməsində əsas məqsəd ümumi təhsil müəssisələrinin şagirdlərinə riyaziyyat fənni üzrə biliklərini yoxlamağa imkan yaratmaqdır. Nəticələrə əsasən, I, II və III yerləri tutmuş şagirdlər diplom və medal ilə təltif edilib, digərlərinə isə iştirak sertifikatı təqdim olunub.

KENQURU BEYNƏLXALQ RİYAZİYYAT MÜSABİQƏSİNDƏ UĞUR QAZANAN ŞAGİRDLƏRİMİZKenquru Beynəlxalq Riyaziyyat Müsabiqəsində uğurla iştirak edən şagirdlərimiz sertifikatla təltif olunublar. Qeyd edək ki, müsabiqə və olimpiadaların keçirilməsində məqsəd xüsusi istedadlı uşaqların üzə çıxarılması, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə və peşə seçiminə hazırlanmasına zəmin yaradılmasından ibarətdir. Uğur qazanan şagirdləri təbrik edir ,uğurlar arzulayırıq.

7A SİNİF ŞAGİRDLƏRİ MÜKAFATLANDIRILIB2023-2024-cü tədris ilini əla qiymətlərlə başa vuran 7a sinif şagirdləri məktəb rəhbərliyi və sinif rəhbəri tərəfindən sertifikatla mükafatlandırılıb. Məktəb rəhbəri Svetlana Nəbiyeva şagirdləri təbrik edib, növbəti tədris ilində uğurlarının davamlı olmasını arzu edib. Sinif rəhbəri Zülfiyyə Hacıyeva məktəbin ictimai işlərində fəal iştirak edən əlaçı və zərbəçi şagirdləri təbrik edib uğurlar arzulayıb.