90 №-li tam orta məktəb

ŞAGİRDİMİZİN NAİLİYYƏTİ31 Dekabr Dünya Azərbaycanlılarının Həmrəyliyi Gününə həsr olunmuş kiçik yaşlı oğlan və qızların "Ümid kuboku" cüdo turniri keçirilib. Məktəbimizin 8D sinif şagirdi Aysun Salmanova yarışda uğurla iştirak edərək III yerə layiq görülüb və diplomla təltif olunub. Şagirdimizi məktəbimiz adından təbrik edir, yeni uğurlar və nailiyyətlər arzulayırıq !

BİZ QALİBİK!Gənclərin milli-mənəvi və ümumbəşəri dəyərlərə hörmət ruhunda tərbiyə olunması məqsədilə davamlı olaraq məktəbimizin şagirdləri inşa yazı müsabiqələrində iştirak edirlər. Sabunçu rayon Gənclər və İdman İdarəsinin təşkilatçılığı ilə Ümummilli Lider Heydər Əliyevin anım gününə həsr olunmuş "Xalqa bağışlanan ömür" mövzusunda Sabunçu rayonu tam orta məktəblərinin şagirdləri arasında keçirilmiş inşa yazı müsabiqəsində 8D sinif şagirdi Leyla Əliyeva I yerə layiq gorülüb . Şagirdimiz Sabunçu Rayon Gənclər və İdman İdarəsi tərəfindən diplomla mükafatlandırılıb. 90 nömrəli tam orta məktəbin direktoru Yeganə Məhərrəmova 8D sinif şagirdi Leylanı bu nailiyyətinə görə təbrik edib, ona daha da yüksək nəticələr əldə etməyi arzulayıb. Həmçinin 8D sinfinin Azərbaycan dili və ədəbiyyatı müəllimi Xalidə Bayramovaya təşəkkürünü bildirib.

YENİ QALİBİYYƏTİMİZ   25.12.2019-cu il tarixində Sabunçu rayon Gənclər və İdman İdarəsi 31 Dekabr Dünya Azərbaycanlılarının Həmrəyliyi Günü və Yeni il münasibətilə rayon məktəbliləri arasında Voleybol (qızlar) turniri keçirib. Məktəbimizin komandası bu yarışda III yeri qazanaraq diplomla təltif olunub.    Komandamızdakı şagirdləri bu münasibətlə təbrik edir, onlara həm yüksək təlim nəticələri, həm də idmanda yeni uğurlar arzu edirik! Eyni zamanda,məktəbimiz adından 90 nömrəli tam orta məktəbin fiziki tərbiyə müəllimləri Rafiq Bayramova, Mətanət Quliyevaya şagirdlərə çəkdikləri əziyyətə görə təşəkkür edirik, işlərində müvəffəqiyyətlər arzulayırıq!