“Valideyn-müəllim-şagird üçbucağı”
Bakı Şəhəri üzrə Təhsil İdarəsi tərəfindən keçirilən “Valideyn-müəllim-şagird üçbucağı” layihəsinə əsasən Mübariz Nəcəfov adına 86 nömrəli tam orta məktəbdə görülən işlər davam edir. Layihənin keçirilməsinin əsas məqsədi valideyn-məktəb münasibətlərinin inkişaf etdirilməsi, effektiv kommunikasiyanın qurulması üçün yeni yanaşmaların tətbiq olunması, qarşılıqlı əməkdaşlığın səmərəli müstəviyə köçürülməsindən ibarətdir. Valideynlərlə “Məktəbdə təhsil alan şagirdlərə sağlam ailə əlaqələrinin və dəyərlərinin öyrədilməsi” mövzusunda fikir mübadiləsi aparılıb. Həmçinin buraxılış imtahanında yüksək nəticə göstərən şagirdlərin valideynlərinə məktəb rəhbərliyi tərəfindən təşəkkür məktubu təqdim olunub.