Lomonosov adına Moskva Dövlət Universitetinin Bakı filialında ekskursiya
Lomonosov adına Moskva Dövlət Universitetinin Bakı filialı abituriyentləri 2023/2024-cü tədris ili üçün keçiriləcək qəbul imtahanının şərtləri və qaydaları ilə tanış olmaq məqsədilə “Açıq qapı” gününə dəvət edib. Gələn iştirakçılara filologiya, tətbiqiq riyaziyyat, kimya, psixologiya, iqtisadiyyat və fizika fakültələrində bakalavr və magistr hazırlığı ilə bağlı geniş məlumat verilib. Fakültələrin nümayəndələri ilə təşkil olunan görüşdə abituriyentlərə qəbul imtahanlarına hazırlaşmaq üçün material verilib. Görüş başa çatdıqdan sonra universitet şəhərciyinə ekskursiya təşkil olunub. Mübariz Nəcəfov adına 86 nömrəli tam orta məktəbin 10C sinif şagirdləri ekskursiyada iştirak edərək, onları maraqlandıran suallara cavab tapıblar.
