İlin son pedaqoji şurası
23 iyun 2025-ci il tarixində məktəbdə tədris ilinin son pedaqoji şura iclası keçirildi. İclasın gündəliyində duran əsas məsələlər, hesabatların dinlənilməsi, şagirdlərin sinifdən-sinfə keçirilməsi, yay tapşırıqlarının verilməsi, attestatların verilməsi və cari məsələlər idi.
İclasa sədrlik edən məktəbin direktoru Faiq Məmmədov iclası açıq elan etdikdən sonra direktor müavinləri, məktəbin təşkilatçısı, psixoloqu, UBTR tədris ilinin sonuna aid hesabatla çıxış etdilər. Gündəlikdə duran məsələlərə müəllimlər də öz münasibətlərini bildirdilər. Cari məsələlər də müzakirə edildikdən sonra müvafiq qərarlar qəbul edildi. İclasın sonunda məktəbin direktoru pedaqoji heyətə qarşıdan gələn məzuniyyət günlərində xoş istirahət və can sağlığı arzuladı.
