69 №-li tam orta məktəb

Ümumi təhsil müəssisələrinin IX-XI sinif şagirdlərinin iştirakı ilə keçirilən “Zəkaların mübarizəsi” olimpiadasının bilik yarışı kateqoriyasında Bakı şəhəri üzrə regional mərhələsi keçirilib.

Paytaxtdakı 133 nömrəli tam orta məktəbdə təşkil olunan tədbirdə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktor müavini, Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova, Yasamal Rayon İcra Hakimiyyətinin (RİH) başçısının müavini Təravət Muradova, Təhsil İnstitutunun direktor müavini Fuad Qarayev, BŞTİ-nin struktur bölmə rəhbərləri, məktəb direktorları və “Zəkaların mübarizəsi” olimpiadasının regional mərhələsinə vəsiqə qazanan komandalar iştirak ediblər.

Tədbir Dövlət Himninin səsləndirilməsi, Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb.

Tədbirdə Nərminə Hüseynova Heydər Əliyev Fondu və Elm və Təhsil Nazirliyinin birgə əməkdaşlığı ilə reallaşdırılan olimpiadanın əsas məqsədinin fənlərin dərindən öyrənilməsinə marağın artırılması, onların dünyagörüşünün genişləndirilməsi, sağlam rəqabət mühitinin  yaradılması, şagirdlər arasında dostluq əlaqələrinin qurulması və ümumilikdə şagirdlərin öyrənməyə təşviq edilməsindən ibarət olduğunu xatırladıb.

 Regional mərhələdə iştirak edən komandalara uğurlar arzulayan N.Hüseynova bu cür olimpiadaların şagirdlərin  bilik və bacarıqlarını artırmaqla bərabər, həm də  onlarda təlim motivasiyasını yüksəldəcəyinə, özünəinam hissinin artırılmasına müsbət təsir göstərəcəyinə əminliyini ifadə edib.

Təhsil İnstitutunun direktor müavini Fuad Qarayev, Yasamal RİH başçısının müavini Təravət Muradova olimpiada və müsabiqələrdə istedadlı şagirdlərin üzə çıxarılmasının ölkəmizin gələcək yüksək savada malik kadr potensialının formalaşması baxımından önəmli rolunu vurğulayıb, bu cür bilik yarışlarının şagirdlərə yalnız elm deyil, həm də dünyagörüşü qazandırdığını bildiriblər.

Tədbir ədəbi-bədii kompozisiyalarla davam edib.

Daha sonra regional mərhələyə vəsiqə qazanmış 12 komanda riyaziyyat-məntiq, rəqəmsal texnologiyalar, təbiət elmləri, humanitar elmlər, mədəniyyət və incəsənət olmaqla 5 müxtəlif istiqamət üzrə 25 sualı cavablandırıblar.

 İlk 5 yeri tutan komandalar - Xəzər, Nəsimi, Yasamal, Xətai və Nərimanov komandaları olimpiadanın respublika mərhələsində iştirak hüququ qazanıb.

Qalib komandalara diplomlar təqdim olunub.

   23 aprel 2025-ci il tarixində məktəbin psixoloqu, UBTR-i, həkimi və tibb bacısı yuxarı sinif şagirdləri ilə “Zərərli vərdişlər: Alkoqolizm və narkomaniya”mövzusunda dəyirmi masa təşkil etdilər. Şagirdlərlə Alkoqolizm və narkomaniyanın sağlamlığa vurduğu ziyanı, cəmiyyətə və fərdlərin sosial rifahına göstərdiyi mənfi təsirləri, zərərli vərdişlərə “yox”demək strategiyası müzakirə olundu. Görüş zamanı sağlam həyat tərzi və zərərli vərdişlərdən qorunma yolları haqqında ətraflı məlumat verildi. Sonda şagirdlər mövzu ilə əlaqədar çəkdikləri rəsmləri təqdim etdilər.

    Azərbaycan Respublikasının Prezidenti  cənab İlham Əliyevin Sərəncamına əsasən  2025-ci il "Konstitusiya və Suverenlik İli" elan edilmişdir. Bu münasibətlə tədbirlər planına əsasən məktəbimizdə silsilə tədbirlər keçirilir.  “23 Aprel Ümumdünya Kitab və Müəlliflik Hüququ Günü” münasibətilə məktəbimizin kitabxana müdiri Nərminə Məmmədova kitabların yaranmasından,hər bir şagirdin mütaliə etmək hüququ və müəlliflərin hüquqlarına hörmət əlaməti olaraq bu günün əlamətdar gün kimi bütün dünyada qeyd olunmasından ətraflı söhbət açdı. Şagirdlərin tanış olduğu kitablar sırasında ölkəmizin suverenliyi və Konstitusiya Günü haqqında maraqlı kitablar var idi.

  Həmçinin şagirdlər sinif rəhbəri Vəfa Hüseynovanın təşkilatçılığı ilə Bakı Beynəlxalq Kitab Sərgisində kitablar və müəlliflər ilə də yaxından tanış oldular.

  22 aprel 2025-ci il tarixində məktəbin kitabxana müdiri Məmmədova Nərminə IV siniflərdə şagirdlərdə oxuyub-anlama, dinləmə bacarıqlarını üzə çıxartmaq məqsədi ilə kitabxana dərsi keçirtdi. Dərslərin keçirilməsində məqsəd şagirdlərdə anlama, dinləmə səviyyələrini yoxlamaq idi. Şagirdlərə oxunan hekayə və mətnlərin ideya və məzmununu əks etdirən suallar verildi. Şagirdlər dərsdə həvəslə iştirak etdilər.

  Kitab günü ilə əlaqədar məktəbdə müxtəlif tədbirlər keçirildi. Məktəbimizin 5^a, 5^b, 6^b sinif şagirdləri kitab sərgisində iştirak etdilər, orada yazıçılarla və yeni nəşrlərlə tanış oldular.

Məktəbin kitabxana müdiri Məmmədova Nərminə 6^a və 6^b siniflərində məlumat xarakterli kitabxana dərsi keçirtdi. Dərs zamanı şagirdlər kitabxana fonduna daxil olan yeni nəşrlərlə tanış oldular, kitabların necə çapa hazırlanması haqqında məlumatlar əldə etdilər.