69 №-li tam orta məktəb

29 noyabr 2024-cü il tarixində məktəb Pedaqoji şurasının növbəti iclası keçirildi. İclasa sədrlik edən məktəbin direktoru Faiq Məmmədov pedaqoji heyəti gündəlikdə duran məsələlərlə tanış etdi.

Fənn olimpiadalarına qeydiyyat və hazırlıq, buraxılış imtahanları ilə bağlı monitorinqlərin təşkili, BSQ-1-ə hazırlıq  və s. gündəlikdə duran məsələlərdən idilər.

Gündəlikdə duran əsas məsələlərlə yanaşı cari problemlərdə müzakirə obyekti oldu və müvafiq qərarlar qəbul edildi. Pedaqoji heyətin üzvləri bəhs edilən məsələlərlə bağlı rəy və təkliflərini irəli sürərək müzakirələrdə fəal iştirak etdilər. Sonda məktəb rəhbərliyi çətin və məsuliyyətli işlərində müəllimlərə təşəkkür  edərək onlara can sağlığı arzuladı.

Ümumi təhsil müəssisələrinin şagirdləri arasında sağlam həyat tərzi və reproduktiv sağlamlıq, eləcə də erkən və qohumlararası nigahların qarşısının alınması sahəsində maarifləndirmə işinin aparılması məqsədilə VIII sinif şagirdlərinin valideynləri ilə 28 noyabr 2024-cü il tarixində görüş keçirildi.İclasda valideynlərə yetkinlik yaş dövrünün xüsusiyyətləri,valideynlər və onların övladları, yeniyetməlik dövrü böhranını necə qarşılamalıdır?, bu böhran zamanı münasibətləri qarşılıqlı anlaşmanı inamı necə qorumaq lazımdır?, yeniyetmələrlə reproduktiv sağlamlıq,dostluq barədə necə danışmaq lazımdır?, sualı ətrafında müzakirə aparıldı. Dərs ili ərzində övladları ilə “mən və mənim əhatəm”, “gigiyena və düzgün qidalanma sağlamlığın əsasıdır”, “zərərli vərdişlər”, “siqaret çəkmək, akoqolizm və narkomaniya”, “erkən nigahın fəsadları” mövzusunda məşğələlər keçiriləcəyi bildirildi.

20 noyabr 2024-cü il tarixində məktəbin Azərbaycan dili və ədəbiyyat müəllimlərinin iştirakı ilə metodbirləşmə iclası keçirildi.

İclasda məktəbin təlim - tərbiyə işləri üzrə direktor müavini Raziyə Məmmədova  da iştirak edirdi  Metodbirləşmə rəhbəri -Şəfa Nuriyevanın iki ay müddətində görülmüş işlər barəsində məlumatı dinlənildi.

Sonra oktyabr ayında məktəbin müdiriyyəti tərəfindən keçirilmiş monitorinqin nəticələri təhlil olundu.

Qarşıda duran məsələlər:

1. KSQ nümunələrinin hazırlanması  və keçirilməsinə nəzarət

2. Zəif şagirdlərlə görülən iş

3. Buraxılış imtahanlarına hazırlıq

4. BSQ -1 nümunələrinin standartlara uyğun hazırlanıb müdiriyyətə təhvili

5. Açıq və nümunəvi dərslərin keçirilməsi müzakirə olundu.

Sonda Raziyə Məmmədova gənc müəllimlərə öz tövsiyəsini verdi

Azərbaycan dili və ədəbiyyat metodbirləşməsinin fəaliyyəti qənaətbəxş hesab olundu.

7 noyabr 2024-cü il tarixdə məktəbdə VIII siniflər arasında “Yaşıl Dünya Naminə Həmrəylik ili” ilə bağlı viktorina keçirildi. Viktorina Azərbaycanın BMT-dəki nümayəndəliyinin və Balaxanı Neft mədəninin  təşkilatçılığı ilə təşkil olunmuşdur. Viktorinanın keçirilməsində məqsəd müasir dövrün qlobal problemləri xüsusilə iqlim dəyişikliyi məsələsini gündəmə gətirmək, şagirdləri bu barədə məlumatlandırmaq idi. Yekunda tədbirin təşkilatçıları şagirdlərin iştirakını qiymətləndirdilər və onları mükafatlandırdılar.

7 noyabr 2024-cü il tarixində ölkəmizin şanlı zəfəri münasibəti ilə “ Zəfər Günün Mübarək Ey Vətən” adlı ədəbi-bədii kompozisiya təşkil olunmuşdur. Tədbirdə müxtəlif şeirlər səslənmiş, səhnəciklər nümayiş etdirilmişdir. Məktəbin musiqi müəllimi Leyla Qasımovanın rəhbərliyi ilə “İnci” xor qrupu  “44 gün” və  “Ey gözəl vətən” kompozisiyalarını ifa etmişdirlər. Tədbirdə 6^a, 6^b, 10^c sinifləri xüsusi fəal iştirak etmişdirlər. Vətənimizin azadlığı uğrunda canından keçən igid oğullarımızı yad etmək məqsədi ilə məktəbin məzunu olmuş şəhidlərin ailələri tədbirə dəvət olunmuşdur. Eyni zamanda tədbirdə BMT-nin İqlim dəyişikliyi ilə bağlı Azərbaycan üzrə nümayəndə heyətinin üzvləri və Balaxanı Neft Mədəninin şöbə müdiri də tədbirdə iştirak etmişdirlər. Şagirdlərin tədbirdə ruh yüksəkliyi, zəfər coşğusu ilə iştirakını xüsusi bəyənmişdirlər. Sonda məktəbin direktoru Faiq Məmmədov çıxış edərək Zəfər Gününün tarixi əhəmiyyətindən danışmış, tədbirin təşkilatçılarına və iştirakçılarına təşəkkürünü bildirmişdir. Arzu edirik ki, vətənimizdə yalnız Zəfər ruhlu günlər qeyd olunsun.

Zəfərin mübarək Ey Vətən!