Qubadlı Şəhəri Günü
2020-ci il oktyabrın 25-i Qubadlı şəhərinin və ətraf kəndlərin düşmən tapdağından xilas edildiyi gündür və hər il “Qubadlı Şəhəri Günü” kimi qeyd olunur.
Məktəbin hərbi rəhbəri Samir Daşdəmirov “Qubadlı Şəhəri Günü”-nə həsr olunmuş dərs keçib.
Dərsdə məktəbin direktoru Tünzalə Zeynalova, direktor müavinləri və tarix müəllimləri iştirak edib.
İlk olaraq Samir müəllim Qubadlının işğal tarixindən, burada düşmənin törətdiyi vəhşiliklərdən, tarixi abidələrin dağıdılmasından və 44 günlük Vətən müharibəsinə şəhər uğrunda gedən döyüşlərdən danışıb. Bildirib ki, bu gün Azərbaycan Ordusu Qubadlı şəhəri ilə yanaşı Zəngilan, Cəbrayıl və Qubadlı rayonunun bir neçə kəndini də işğalçılardan azad edib. Sonra isə Qubadlı şəhəri haqqında videoçarxa tamaşa edilib.
Sonda müəllim və şagirdlərin birgə hazırladığı Qubadlı şəhərinin maketi nümayiş olunub.
