53 №-li tam orta məktəb

Martın 18-də Zəkiyyə Mirzəyevanın rəhbərliyi altında məktəbin 2 "ğ" sinif şagirdləri valideynlər ilə birlikdə "Xoş gəldin Novruz" adlı tədbir keçirib.

Bu ilin Heydər Əliyev ili olduğunu nəzərə alaraq Ümummilli Liderimiz Heydər Əliyevin Novruzu milli-mənəvi dəyərlərimizin təcəssümü adlandırmasından, onun ölkəmizdə daim yüksək səviyyədə keçirilməsinə şərait yaradaraq yaddaşlardan silinməsinə imkan verməməsindən danışıldı.

Tədbirdə şagirdlər və valideynlər 3 qardaş ölkəni -Türkiyə, Özbəkistan, Kazaxstan və Azərbaycanı təmsil edib. Onlar 4 ölkənin Novruz adətləri haqqında məlumat vermiş, milli rəqslərini nümayiş etmiş, hər xalqın öz dilində şeirlər və bayram təbrikləri təqdim etmişlər.

 Keçəl və Kosanın məzəli əhvalatları, Bahar qızın gəlişi tədbirə xüsusi rəng qatıb.

Tədbir Yallı rəqsi sədaları altında şagird və valideynlərin rəqs etməsi ilə başa çatıb.

Paytaxtdakı 53 nömrəli tam orta məktəbdə təhsildə İnkişaf və İnnovasiyalar üzrə VI qrant müsabiqəsi çərçivəsində icra olunan “Təhsilin inkişafında incəsənətin rolunun artırılması” layihəsinin bağlanış mərasimi keçirilib.

Tədbirdə Elm və Təhsil Nazirliyinin Tədqiqat və innovasiya sektorunun müdiri səlahiyyətlərini icra edən Vüsalə Əliyeva, Bakı Şəhəri üzrə Təhsil İdarəsinin (BŞTİ) Məktəbdənkənar fəaliyyətlərin təşkili sektorunun müdiri Günay Qurbanova, məktəb rəhbərliyi, müəllimlər və şagirdlər iştirak ediblər.

Tədbir Dövlət Himninin səsləndirilməsi, Ulu Öndər Heydər Əliyevin və Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb.

Elm və Təhsil Nazirliyinin Tədqiqat və innovasiya sektorunun müdiri səlahiyyətlərini icra edən V.Əliyeva “Təhsilin inkişafında incəsənətin rolunun artırılması” layihəsinin əhəmiyyətindən, şagirdlərin gələcək inkişafına təsirlərindən danışıb.

BŞTİ-nin Məktəbdənkənar fəaliyyətlərin təşkili sektorunun müdiri G.Qurbanova təhsil müəssisələri və təhsilverənlər arasında sağlam rəqabətin və innovativ fəaliyyətin stimullaşdırılması baxımından təhsildə inkişaf və innovasiyalar üzrə qrant müsabiqəsində müəllimlərin iştirakının vacibliyini vurğulayıb.  

Daha sonra şagirdlərin ifasında Azərbaycan ədiblərinin əsərləri əsasında hazırlanmış səhnəciklər nümayiş etdirilib.

Qeyd edək ki, “Təhsilin inkişafında incəsənətin rolunun artırılması” layihəsinin məqsədi ümumi təhsil məktəblərində təhsilin keyfiyyətinə yönəlmiş yaradıcılıq mühitinin inkişaf etdirilməsinə xidmət edir. BŞTİ-nin 18, 31, 52, 53 və 60 nömrəli məktəblərindən 30 şagird dörd ay ərzində layihə çərçivəsində yaradılan “İncəsənət dərnəyi”nin məşğələlərində iştirak edib. Bu dərnək şagirdlərdə aktyorluq və nitq bacarıqlarının inkişaf etdirilməsinə, onlar tərəfindən tamaşalar, maarifləndirici sosial videoçarxların hazırlanmasına şərait yaradıb.

Martın 14-ü 5g sinfinin sinif rəhbəri Rəna Behbudova şagirdləri ilə “Novruz töhfələri” adlı tədbir keçirib.

Şagirdlər təbiətin oyanmasının müjdəçisi, milli adət -ənənələrimizin göstərici olan Novruzun mənşəyi, tarixi kökləri haqqında danışıb, müxtəlif səhnəciklər, milli rəqslər, Novruz bayramına aid şən mahnılar, şeirlər səsləndirib, müxtəlif musiqi alətlərində mahnılar ifa ediblər. Novruzun əsas atributları sayılan keçəl, kosa və bahar qızının iştirakı ilə hazırlanan səhnəciklər tədbiri daha da maraqlı edib.

Sonda tədbirin qonaqları çıxış edərək öz məmnuniyyətini bildirmişdir.

Martın 14-ü məktəbin ingilis dili müəllimi Kəmalə Seyidova “Özbəkistan-qardaş ölkəmiz” mövzusunda açıq dərs keçdi.

Azərbaycan Yazıçılar Birliyinin üzvü, Özbəkistan Yazıçılar Uyuşmasının Fəxri üzvü Akif Azalp və milliyətçə özbək olan jurnalist Şahista Kamranlı dərsi dinlədi.

Dərs hər iki ölkənin Dövlət Himninin səslənməsi ilə başladı.

Məqsəd şagirdləri möhtəşəm ölkə olan Özbəkistanla tanış etmək, onun qədim mədəniyyəti və orjinallığı haqqında şagirdlərə məlumat vermək olub.

Dərs müddətində şagirdlər Özbəkistanın coğrafi mövqeyi, qədim şəhərləri haqqında tarixi faktları öyrənib. Daşkənd, Buxara, Səmərqənd və Xivə haqqında video çarxlara tamaşa etmiş hər qrup onlara təqdim olunan mətnləri oxuyub, danışaraq, mətnə aid digər qrup üzvlərinə suallar verdilər və müzakirə apardılar.

Şagirdlərin Özbəkistan dilində söylədikləri şeirlər qonaqların marağına səbəb oldu.

Sonda Şahista Kamranlı gətirdiyi hədiyyəni müəlliməyə təqdim etdi və öz təəsüratlarını bizimlə bölüşdü.

Heydər Əliyev ili çərçivəsində martın 13-ü məktəbin Kitabxanasında kitabxana müdiri Süleymanova Nigarın və kitabxanaçı Abbasova Nəzakətin rəhbərliyi altında X sinif şagirdlərinin iştirakı ilə “12 mart- Daxili Qoşunların yaradılması günü”-nə həsr olunmuş tədbir keçirildi.

Tədbirə Yasamal rayon Mirzə Şəfi Vazeh adına Mərkəzləşmiş sistemin baş kitabxanaçısı Gülnarə Cəlilova, Oxuculara xidmət şöbəsinin oboniment bölməsinin müdiri Lalə Səlimova dəvət olunmuşdur.

Tədbir Ulu Öndər Heydər Əliyevin ruhunun 1 dəqiqəlik sükutla yad edilməsilə başladı. Lalə Səlimova çıxış edərək Ümummilli Lider Heydər Əliyevin Daxili Qoşunların yaradılmasında misilsiz tarixi xidmətlərindən söhbət açdı. Sonra məktəbin Hərbi rəhbəri Şahin Babayev I və II Qarabağ müharibəsində ölkəmizin ərazi bütövlüyü və suverenliyi uğrunda erməni işğalçıları ilə vuruşan daxili qoşunların hərbi hissələri haqqında danışdı.

Sonda şagirdləri maraqlandıran suallar cavablandırıldı.