Heydər Əliyev Mərkəzinə ekskursiya
Elm və Təhsil Nazirliyi, MÜTDA-nın Heydər Əliyev Mərkəzi ilə bağlanmış müştərək müqaviləsinə əsasən məktəblilərin asudə vaxtının səmərəli təşkili və Heydər Əliyev irsinin şagirdlərə öyrədilməsi məqsədilə interaktiv ekskursiya təşkil olunub.
Ekskursiyada məktəbin 6c, 8ç və 9e sinif şagirdləri iştirak edib. Ekskursiya zamanı şagirdlərə dünya memarlığının nadir incilərindən sayılan Heydər Əliyev Mərkəzi haqqında məlumat verilib. Bildirilib ki, Mərkəz Azərbaycan xalqının Ümummilli Lideri Heydər Əliyevin dövlətçilik fəlsəfəsinin, azərbaycançılıq məfkurəsinin, Ulu Öndərin irsinin dərindən öyrənilməsi və tədqiqi istiqamətində fəaliyyət göstərir. Mərkəzdə yaradılmış Heydər Əliyev Muzeyi ilə tanışlıq zamanı diqqətə çatdırılıb ki, Muzey Ümummilli Liderin 90 illik yubileyi ərəfəsində istifadəyə verilib.
Şagirdlər muzeydə Ulu Öndər Heydər Əliyevin Azərbaycana rəhbərlik etdiyi dövrlərdə xidməti istifadəsində olan avtomobillərlə tanış olub.
