Yasamal rayon Heydər Əliyev Mərkəzinə ekskursiya
Dekabrın 25–də məktəbin 8ç sinif şagirdləri Yasamal rayon Heydər Əliyev Mərkəzinə ekskursiya edib.
Şagirdlər öncə Mərkəzin ekspozisiya zalında dahi şəxsiyyət, ulu öndər Heydər Əliyevin zəngin siyasi irsi və Azərbaycanın ictimai–siyasi, sosial–iqtisadi və mədəni həyatının bütün sahələrindəki xidmətlərini özündə əks etdirən eksponatlarla tanış olub.
Sonra isə 31 dekabr–Dünya Azərbaycanlılarının Həmrəylik Günü ilə əlaqədar mərkəzin bələdçisi Mayrux Cavadovanın “31 dekabr–hər bir azərbaycanlı üçün birlik, həmrəylik günüdür” mövzusunda mühazirəsi dinlənilib.
Mühazirədə bildirilib ki, ilk dəfə ulu öndər Heydər Əliyevin təşəbbüsü ilə qeyd olunmuş bu tarixi gün xarici ölkələrdə məskunlaşıb yaşayan milyonlarla soydaşımızın azərbaycançılıq məfkurəsi ətrafında sarsılmaz birliyinin və vətənə sədaqətinin rəmzi kimi hər il xalqımız tərəfindən ruh yüksəkliyi ilə bayram edilir.
Sonda 31 dekabr Dünya Azərbaycanlılarının Həmrəylik Gününə həsr olunmuş film göstərilib.
