Yasamal rayonunun məktəbliləri arasında Kiçik Akademiyanın yarımillik konfransı
Dekabrın 20-si məktəbdə Yasamal rayonunun məktəbliləri arasında Kiçik Akademiyanın yarımillik konfransı keçirilib.
Konfrans Azərbaycan Respublikasının Dövlət Himninin səslənməsi ilə başlayıb.
Çıxış edən məktəbin direktoru Tünzalə Zeynalova bildirib ki, “Kiçik Akademiya” yaradıcılıq və elmi-tədqiqat işlərinə meyil və maraq göstərən, bu sahədə potensial imkanları ilə fərqlənən istedadlı şagirdlərin aşkarlanmasında böyük həmiyyətə malikdir.
Konfransda BDU-nin dosenti Fizika üzrə fəlsəfə doktoru Şirxan Hümbətov, ADPU-nin dosenti Biologiya üzrə fəlsəfə doktoru Təranə Abdullayeva, ADPU-nin dosenti Kimya üzrə fəlsəfə doktoru Nigar Babayeva, 150, 31, 336 nömrəli tam orta məktəbin direktorları Pərvanə Səfərova, Zülfiyyə Rəsulova və Gülnar Qurbanova iştirak edib.
Kiçik akademiyanın himni səsləndirildikdən sonra Yasamal rayon məktəblilərinin təqdimatları dinlənilib.
Məktəbin müəllimi Aygün Mehdiyeva Yaşa Azərbaycan, 9ğ sinif şagirdi Cavidan Babazadə isə Azərbaycan mahnısını ifa edib.
Sonda çıxış edən qonaqlar “Kiçik akademiya”-nin keçirilməsinin əhəmiyyətindən danışıb, tədqiqatçılıq bacarığı ilə fəqlənən şagirdlərə gələcək fəaliyyətlərində uğurlar arzu edib.
