Son zəng
İyunun 14-də 2023-2024-cü tədris ilinin məzunlarına “Son zəng” tədbiri keçirilib.
“Son zəng”-də Yasamal Rayon İcra Hakimiyyətinin Vətən Müharibəsi İştirakçıları və Şəhid Ailələri ilə İşin Təşkili Şöbəsinin müdiri Samir İsmiyev, şəhid Polkovnik-leytenant Əfqan Abdurahmanovun anası Nərgiz ana, həyat yoldaşı Rəqinə xanım, qızı Hilalə xanım, şəhid Polkovnik-leytenant “Murov Qartalı” Raquf Orucovun həyat yoldaşı Sevinc Orucova, Polkovnik Həbib Rizvanov, Azərbaycan Təhsil İşçiləri Azad Həmkarlar İttifaqı Yasamal rayon Komitəsinin sədri Rövşən İbrahimli iştirak edib.
Tədbir Müdafiə Nazirliyinin hərbi orkestranın müşayəti ilə Azərbaycan Respublikasının Dövlət bayrağının şəhid Polkovnik-leytenant Əfqan Abdurahmanovun oğlu, 11b sinif şagirdi Əlibəy Abdurahmanov tərəfindən meydana gətirilməsi, Dövlət Himninin səslənməsi və Ümummilli lider Heydər Əliyevin, Vətənin azadlığı və ərazi bütövlüyü uğrunda canından keçmiş şəhidlərimizin ruhunun 1 dəqiqəlik sükutla qeyd edilməsi ilə başlayıb.
Çıxış edən məktəbin direktoru Tünzalə Zeynalova ilk olaraq məzunları təbrik edib, onlara gələcək həyatında uğurlar arzu edib. Daha sonra şəhid Polkovnik-leytenant Əfqan Abdurahmanov haqqında məlumat verib, onun döyüş yolundan danışıb.
Tədbirdə yerli və beynəlxalq müsabiqələrdə qalib olan şagirdlər və müəllimlər Fəxri Fərmanla təltif edilib.
Tədbir şagirdlərin ifasında müxtəlif rəqslər, musiqi nömrələri təqdim olunması ilə davam edib. Daha sonra elmin açarını 11- ci sinif şagirdləri 10 - cu sinif şagirdlərinə təqdim edib və son zəng çalınıb.
Yolunuz açıq olsun, əziz məzunlar!!!
“Son zəng” təlimata uyğun yerinə yetirilib.
