Şagirdlər Hərbi Qənimətlər Parkında ekskursiyada olublar
Noyabrın 5-də məktəbin şagirdləri "Zəfər Günü" ilə əlaqədar olaraq Hərbi Qənimətlər Parkında ekskursiyada olublar. Parkda onlar igid əsgərlərimizin ermənilərdən götürdükləri hərbi texnikalar ilə tanış olublar. Şagirdlərə müzəffər ordumuzun döyüş zamanı göstərdiyi qəhrəmanlıqlardan danışıb, ermənilərin Azərbaycan xalqına qarşı etdikləri vəhşiliklərdən söz açıb. Müzəffər Ali Baş Komandanımız İlham Əliyevin dəmir yumruğundan qorxan ermənilər döyüş maşınlarını necə qoyub qaçdıqları haqqında məlumat verib.
Şagirdlər parkı gəzdikdən sonra, hazırladıqları şeirləri söyləyiblər. Birlikdə şəkillər çəkdirib, vətənpərvər mahnılar ifa ediblər. Uşaqlar parkdan böyük təəssüratlarla ayrılıblar.
