Deputatla görüş
Azərbaycan Respublikası Milli Məclisinin deputatı, Milli Məclisin sədr müavini Adil Əliyev Mona Liza restoranında qarşıdan gələn yeni dərs ili ilə əlaqədar aztəminatlı ailələrin nümayəndələri və yüksək bal toplayan XI sinif məzunları ilə görüş keçirib. Milli Məclisin deputatı Adil Əliyev qarşıdan gələn 15 sentyabr - Bilik Günü münasibətilə valideynləri və şagirdləri ürəkdən təbrik edib.
O bildirib ki, ənənəvi olaraq hər il 15 sentyabr - Bilik Günü ərəfəsində Nərimanov rayonunda yaşayan aztəminatlı ailələrin nümayəndələri ilə görüşür və onların övladlarına məktəb çantası və ləvazimatları, məktəbli formaları hədiyyə edir.
Adil Əliyev bu humanitar aksiyanın ulu öndər Heydər Əliyevin və onun layiqli davamçısı Prezident İlham Əliyevin tövsiyəsi ilə keçirildiyini bildirib.
Sonda bu il 1-ci siniflərə gedəcək uşaqlara məktəb çantası və ləvazimatları, məktəbli formaları hədiyyə olunub.
