36 №-li tam orta məktəb

Novruz bayramı Azərbaycanda mənşəyi ən qədim bayramlardan biridir. Bu bayram hər yerdə təntənəli şəkildə qeyd olunur. Məktəbimizdə də bu bayram öz adət-ənənələrimizə uyğun şəkildə keçirilir. Beləki, məktəbəhazırlıq  qruplarının iştirak etdiyi bugünki tədbir balaca fidanlar üçün daha əyləncəli və maraqlı olmuşdur.

Şagirdlərimizin milli mənəvi dəyərlərə sadiq tərbiyə etmək, kollektivimiz üçün ən vacib məsələdir. Bu məqsədlə,siniflərdə baharın elçisi-çərşənbələr haqqında maarifləndirici tədbirlər keçirilir. Bu şagirdlərin marağına və sevincinə səbəb olur.

Məktəbimizdə narkomaniya, onun törətdiyi fəsadlar və bu sahədə aparılan mübarizəyə həsr olunmuş maarifləndirici tədbirlər davam edir. Bu gün keçirilən tədbirdə Nərimanov  RPİ- nin 16-cı Polis bölməsinin əməkdaşları tərəfindən narkotiklərin qanunsuz dövriyyəsinin cəmiyyətə və insanların sağlamlığına vurduğu zərərlərdən ətraflı bəhs edilmiş, bu istiqamətdə hüquq-mühafizə orqanlarının, o cümlədən polisin apardığı qətiyyətli mübarizə barədə tədbir iştirakçıları məlumatlandırılmışdır. Yeniyetmə və gənclərə yüksək təhsil almaqları, müasir informasiya texnologiyalarından istifadə etməyi bacarmaları, idmanla məşğul olmaları, milli-mənəvi dəyərlərimizə sədaqət ruhunda böyümələri, vətənpərvər kimi hər zaman ölkəmizin müdafiəsinə hazır olmaları və cəmiyyətdə sağlam fərdə çevrilmələri tövsiyə olunmuşdur.

Baharın təmsilçisi səməni! 
Torpağın, həyatın oyanışının müjdəçisi səməni!
Şagirdlərimiz böyük sevinclə Novruz bayramına hazırlaşırlar. Bu məqsədlə keçən həftə isladılmış buğdadan doğma Azərbaycanımızın və OCEP layihəsi üzrə dost ölkəmiz olan Qazaxıstanın xəritəsi formasında hazırlanmış qablarda səməni qoyduq. Səmənimizin cücərməsini heyranlıqla izləyirik.

Ümumiləşdirici dərslər bilikləri sistemləşdirmək, aydınlaşdırmaq və dəqiqləşdirmək üçün çox faydalıdır. Keçirilən dərsləri sistem halına salmaq, şagirdlərin yaddaşında möhkəmlənməsini təmin etmək məqsədilə Azərbaycan dili və ədəbiyyat müəllimi Aytən Bağıyeva maraqlı ümumiləşdirici dərs keçirmişdir. Onun istifadə etdiyi bu üsul şagirdlərin mövzuları daha dərindən mənimsəməsinə səbəb olmuşdur.