36 №-li tam orta məktəb

Şagirdlərimiz 20 yanvar şəhidlərinin əziz xatirəsinə həsr olunmuş stolüstü tens yarışmasında rəqiblərindən üstün olaraq birinci yere layiq görülüblər. Onları təbrik edir , daha böyük uğurlar arzulayırıq.

Məktəbimizin müəllimi Pakizə Kərimova rəhbərlik etdiyi 7c sinfi ilə birlikdə Şəhidlər xiyabanını ziyarət ediblər. Bu ziyarət zamanı şagirdlər Vətənimizin azadlığı və müstəqilliyi uğrunda canlarını fəda etmiş şəhidlərimizin məzarlarını ziyarət edərək, onların xatirəsini ehtiramla yad ediblər. Şəhidlər xiyabanı xalqımızın müqəddəs and yeri olmaqla yanaşı, gənc nəsillərin vətənpərvərlik ruhunda tərbiyə olunmasında mühüm rol oynayır.

Günel Babatova

Сегодня, 15:16

20 Yanvar faciəsinin 35-ci ildönümü ilə əlaqədar UBR -Ş. Qələndərova şagirdlərə geniş məlumat verib.O, bu tarixi günün Azərbaycan xalqının müstəqillik yolunda göstərdiyi fədakarlıq və qəhrəmanlıq nümunəsi olduğunu vurğulayıb. Daha sonra məktəbin psixoloqu M. Əliyeva faciənin və müharibənin insan psixologiyasına təsiri barədə danışıb. Şagirdlərə faciənin nəticələri və gələcək nəsillər üçün ibrət dərsi kimi öyrənilməsinin əhəmiyyəti izah edilib

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən təhsil müəssisələrində 20 Yanvar-Ümumxalq Hüzn Gününə həsr olunmuş tədbirlər keçirilib.

Paytaxt məktəblərində 20 Yanvar faciəsinin 35-ci ildönümü ilə əlaqədar “20 Yanvar-Azadlığa gedən yol”, “Vətən şəhidləri heç vaxt unutmayacaq!”, “Tariximizin şanlı səhifəsi” və digər mövzularda konfrans, seminar, mühazirə və “Dəyirmi masa”lar təşkil olunub.

Tədbirlərdə BŞTİ-nin struktur bölmə rəhbərləri, əməkdaşları, təhsil  müəssisələrinin pedaqoji və şagird kollektivləri iştirak ediblər.

Tədbirlər Dövlət Himninin səsləndirilməsi və Vətən şəhidlərinin xatirəsinin bir dəqiqəlik sükutla yad edilməsi ilə başlayıb. Şagirdlərə 1990-cı ilin 20 Yanvar hadisələrinin baş verdiyi tarixi dövr haqqında ətraflı məlumat verilib, xalqımızın azadlıq və müstəqillik uğrunda apardığı mübarizə əsil qəhrəmanlıq nümunəsi kimi dəyərləndirilib.

Qeyd olunub ki, öz suverenliyinə can atan xalqımızın mübarizliyini, əyilməzliyini, məğrurluğunu təcəssüm etdirən 20 Yanvar Azərbaycanın istiqlal yolunun başlanğıcı, milli oyanış günüdür. Milli qürur günü kimi tarixə yazılan 20 Yanvarı və bu tarixi yazanların unudulmaması, hər zaman xatırlanması şagirdlərə tövsiyə edilib.

Şagirdlər 20 Yanvar hadisələrinə həsr edilmiş şeirlər söyləyib, ədəbi-bədii kompozisiyalar nümayiş etdiriblər.

Təhsil müəssisələrində xalqımızın milli qürur günü ilə bağlı xüsusi dərslər, kitab, foto və rəsm sərgiləri, həmçinin pedaqoji kollektiv və şagirdlərin Şəhidlər xiyabanına ziyarəti təşkil olunub.

Xalqımızın Qan Yaddaşı 20 Yanvar faciəsinin 35 ci il dönümü şagirdlərimizin fırçalarında öz əksini tapıb. Təsviri incəsənət müəllimi Firuzə Əlbabayeva şagirdlər arasında 20 Yanvar faciəsinə həsr olunmuş rəsm müsabiqəsi təşkil etdi. Müsabiqənin məqsədi xalqımızın azadlıq uğrunda mübarizəsini, şəhidlərimizin qəhrəmanlığını gənc nəsillərə tanıtmaq və onların yaradıcılıq bacarıqlarını inkişaf etdirmək idi. Şagirdlər öz əsərləri ilə həm faciənin ağrısını, həm də xalqımızın mübarizə əzmini böyük ustalıqla təsvir etdilər. Bu rəsmlər vasitəsilə onlar tariximizin qan yaddaşını bir daha yaşatdılar və gələcək nəsillərə çatdırmaq üçün öz töhfələrini verdilər.