36 №-li tam orta məktəb

Bu gün məktəbimizdə şagirdlərə tam orta təhsil və ümumi orta təhsil haqqında fərqlənmə attestatları təqdim edilib. Təqdimat zamanı məktəb direktoru çıxış edərək, şagirdləri təbrik edib və onlara gələcək təhsillərində uğurlar, millətə və dövlətə layiqli övlad olmağı arzulayıb. Sonda xatirə şəkilləri çəkilib.

2024-cü il iyulun 4-də məktəbimizdə şagirdlərə tam orta təhsil haqqında attestatlar təqdim edilib. Təqdimat zamanı məktəb direktoru çıxış edərək, şagirdləri təbrik edib və onlara gələcək təhsillərində uğurlar arzulayıb. Sonda xatirə şəkilləri çəkilib.

Bakı Şəhəri üzrə Təhsil İdarəsi (BŞTİ) tərəfindən paytaxtın təhsil müəssisələrinin iştirakı ilə “Məktəblinin yay mütaliəsi” adlı layihəsinə start verilir.

Layihənin əsas məqsədi şagirdlərin yay tətili günlərində asudə vaxtlarının səmərəli təşkili, mütaliəyə maraqlarının artırılması, kitab mübadiləsi mədəniyyətinin genişləndirilməsi, oxu bacarıqlarının inkişaf etdirilməsi və nitq vərdişlərinin təkmilləşdirilməsindən ibarətdir.

Layihə çərçivəsində paytaxtın təhsil müəssisələri şagirdlərin oxuduğu kitabları əks etdirən fotoşəkilləri, yaxud oxuduqları əsər və onun müəllifi ilə bağlı fikirlərinə dair videogörüntüləri məktəbin sosial şəbəkə hesablarında #məktəblininyaymütaliəsi haşteqi ilə paylaşması nəzərdə tutulur.

Qeyd edək ki, layihə sentyabr ayına qədər davam edəcək.

Məktəbimizin müəllimlərindən sertifikasiya imtahanında yüksək nəticə göstərənləri təbrik edirik! Riyaziyyat və ingilis dili müəllimlərimizdən çoxu 60 bal üzərindən 50+ bal toplayaraq böyük uğur əldə ediblər. Bu nailiyyət, onların peşəkarlığını və təhsil sahəsindəki fədakarlıqlarını bir daha təsdiqləyir. Müəllimlərimizin əzmkarlığı və innovativ yanaşmaları, şagirdlərimizə ən yüksək keyfiyyətdə təhsil verməkdə bizə güvən verir. İmtahanda yüksək bal toplayan müəllimlərimizin öz metodlarını və təcrübələrini bölüşərək, məktəbimizin təhsil səviyyəsini daha da yüksəldəcəyinə inanırıq.

Bu uğur yalnız bir başlanğıcdır. Gələcəkdə daha böyük nailiyyətlərə imza atmaq üçün bütün müəllimlərimizə uğurlar arzulayırıq!

Riyaziyyat müəllimləri:

Bağırova Aytən Rahib qızı- 57 bal

Abbasova Şəhla Aydın qızı -48 bal

Əhmədova Şəhla Noycuvan qızı-47 bal

Əliyeva Yaqut Cəfər qızı- 42 bal

Osmanova Ülviyyə Zakir qızı- 42 bal

İngilis dili müəllimləri:

İsayeva Səfa Ağəli qızı-56 bal

Abbasova Aynur Surxay qızı-55 bal

Həsənova Ramilə Ələkbər qızı -54 bal

Muradova Nərgiz Tofiq qızı- 53 bal

Qədiməliyeva Sevda Tofiq qızı - 48 bal

Quliyeva Aynur Rəhman qızı- 48 bal

Cəbiyeva Nəzakət Cəlal qızı-47 bal

Təbriklər və təşəkkürlər!

İyunun 21-də dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsinə başlanılıb.

Qaydalara müvafiq olaraq, test imtahanı ilə bağlı məlumat 15 may tarixində iştirakçıların şəxsi kabinetlərinə göndərilib.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində çalışan 2 379 təhsilverən sertifikatlaşdırma prosesinin test imtahanı mərhələsinə  dəvət olunub.

Məktəbəqədər və Ümumi Təhsil üzrə Dövlət Agentliyinin direktor müavini, Agentliyin Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova və BŞTİ-nin müvafiq struktur bölmə rəhbərləri imtahan mərkəzinə gəlib və müəllimlərə öz tövsiyələrini verib, uğurlar arzulayıb.

Qeyd edək ki, test imtahanı mərhələsində 120 dəqiqə müddətində təhsilverənlərin tədris etdiyi fənn üzrə ümumi təhsil proqramlarına, tədris metodikasına və təlim strategiyalarına aid 60 sual təqdim edilir. Hər düzgün cavab 1 balla qiymətləndirilir. Bu mərhələnin nəticələri üzrə balların hesablanması avtomatlaşdırılmış rejimdə proqram təminatı vasitəsilə həyata keçirilir və imtahan başa çatdıqdan dərhal sonra namizədin kompüterinin ekranında görünür.

Nəzərinizə çatdırırıq ki, test imtahanında mümkün 60 baldan minimum 30 bal toplamış təhsilverənlər sertifikatlaşdırmanın müsahibə mərhələsinə iştirak hüququ qazanacaq.

Xatırladaq ki, Nazirlər Kabinetinin 18 avqust 2022-ci il tarixli qərarına əsasən, dövlət ümumi təhsil müəssisələrinin təhsilverənlərinə sertifikatlaşdırmanın nəticəsinə uyğun olaraq tədris edilən dərs saatına görə test imtahanı mərhələsində nəticə göstərənlərin vəzifə maaşlarına əlavələr ediləcək.

Sertifikatlaşdırmada iştirak edən bütün müəllimlərə uğurlar arzulayırıq!