Bayrağımız qürurumuzdur!
09.11.2019 -cu il tarixində liseydə UBR Ətlaz Zeynalova və sinif rəhbəri Nuranə İbrahimxəlilovanın təşkilatçılığı ilə 6a sinfində 9 noyabr "Bayraq Günü"nə həsr olunmuş "Bayraq Qürurumuzdur" adlı ədəbi-bədii tədbir keçirildi. Tədbirdə şagirdlər bayrağa həsr olunmuş şeirlər, mahnılar və maraqlı çıxışlar etdilər. Şagirdlərin təqdim etdikləri "Zəfər bayrağım" adlı səhnəcik tamaşaçılar tərəfindən alqışla qarşılandı. Tədbirdə Vətənə, dövlətə, onun rəmzlərinə sevgi, hörmət hissi ön plana çəkilmişdir. Tədbirdə Azərbaycan Hərb tarixi muzeyinin rəisi polkovnik Əzizağa Qənizadə çıxış edərək şagirdlərə keçdiyi döyüş yolundan söhbət açdı. Onları vətənpərvərliyə səslədi. Daha sonra liseyin təşkilatı işlər üzrə direktor müavini Zeynəb Qasımova bayrağın yaranması haqqında məlumat verdi. Sonda liseyin direktoru K.R.Mirzoyeva çıxış edərək tədbirin bütün təşkilatçılarına öz təşəkkürünü bildirdi. Eyni zamanda bayrağın xalq, millət üçün dəyərlərini şagirdlərə açıqladı. "Bayraq qürurumuz, şərəfimizdir" şüarı ilə şagirdləri daha da Vətənpərvər olmağa səslədi. Tədbir mətbuat və televiziya nümayəndələri tərəfindən işıqlandırıldı.
