Psixi sağlamlıq günü
10.10.2019-cu il tarixində liseyin psixoloqu Dilbər Ağasıyevanın təşkilatçılığı ilə "Psixi Sağlamlıq günü"-nə həsr olunmuş tədbir keçirildi. Tədbirdə məktəbin müəllim, şagird, valideyn kollektivi iştirak etdi. Tədbir istər iştirakçıları, istərsə də tamaşaçıları maarifləndirmək baxımından diqqətəlayiq idi.
Dərs yükləmələri, ailədaxili münaqişələr, internetdən asılılıq və sair kimi mövzuların uşaqların psixi sağlamlığına etdiyi mənfi təsirdən söhbət açıldı.
Sonda liseyin psixoloqu Dilbər Ağasıyeva psixi sağlamlığın insan üçün əsas şərt olduğunu qeyd etdi. Eyni zamanda valideynlərə, eləcə də şagirdlərə zərərli vərdişlərdən uzaq olmağı, sağlam mühitdə sağlam böyüməyi, tərbiyə almağı tövsiyə etdi.
