Voleybol üzrə Nərimanov rayon birinciliyi keçirilib
5 mart 2016-cı il tarixdə 45 saylı tam orta məktəbin idman zalında Nərimanov Rayon Gənclər və İdman İdarəsi tərəfindən rayon məktəblilərinin XXVIII spartakiadasının proqramına daxil olan qızlar arasında voleybol üzrə rayon birinciliyi keçirilib.Yarışın keçirilməsində məqsəd məktəbliləri voleybol idman növünə cəlb edərək bu idman növünü daha da inkişaf etdirmək, onların fiziki cəhətdən inkişafının və sağlamlıqlarının qorunmasını təmin etməkdir. Yarışda rayonun 15 məktəb komandası 180 nəfər məktəbli ilə iştirak edib. Yarışın nəticələrinə görə liseyin komandası I yerə layiq görülərək məktəblilər arasında keçiriləcək spartakiadanın Bakı şəhəri üzrə final mərhələsinə vəsiqə qazanmışdır. Komandanın rəhbəri liseyin fiziki tərbiyə müəllimi Yelizaveta Ələkbərovadır.Yarışda I, II və III yerləri tutmuş komandalar Nərimanov Rayon Gənclər və İdman İdarəsi tətəfindən müvafiq dərəcəli diplom və medallar ilə təltif olunublar.
