Ulu bir sərkərdə, Ulu bir öndər
07.05.2019-cu il tarixində liseydə Ümumilli lider Heydər Əliyevin 96-cı ildönümünə həsr olunmuş “Ulu bir sərkərdə, ulu bir öndər” adlı ədəbi-bədii kompozisiya keçirildi. Tədbirdə Ulu Öndərin həyat və fəaliyyəti geniş şəkildə işıqlandırıldı. Liseyin şagirdləri Heydər Əliyevə həsr olunmuş mahnı, şeir və səhnəciklər təqdim etdilər. Liseyin “Qobustan” rəqs qrupu bir-birindən gözəl rəqs nömrələri ilə çıxış etdi. Tədbirin sonunda liseyin direktoru Kəmalə Mirzoyeva Ulu Öndər Heydər Əliyevin 96 illik yubileyinə həsr edilmiş VI-XI siniflər arası futbol, VIII-IX siniflər arası voleybol və V-VI siniflər arası şahmat idman oyunlarının spartakiadasının qaliblərini mükafatlandırdı.
