Təbrik edirik
01.03.2016-cı il tarixdə liseydə müxtəlif müsabiqələrin qalibi olmuş şagirdlərin, onların valideynlərinin, müəllimlərinin və sinif yoldaşlarının iştirakı ilə yığıncaq keçirilmişdir. Qeyd etmək lazımdır ki, "Sabahın alimləri " V Respublika Müsabiqəsində liseyin bir şagirdi İNTEL beynəlxalq sertifikatı almış, 2 şagirdi 2- ci yerə layiq görülmüşlər.“Gənc fiziklərin yaradıcılıq" müsabiqəsində liseyin 3 şagirdi I yer tutmuşlar. “Fənn müsabiqəsi”nin seçim turunda kimya fənni üzrə bir nəfər I yerin, iki nəfər fizika fənni üzrə II və III yerin, bir nəfər isə riyaziyyat fənni üzrə II yerin qalibi olmuşlar. Bu münasibətlə keçirilən görüşdə şagirdlər öz uğurlarından danışmış, valideynlər söz alaraq liseyin müdiriyyətinə, övladlarının müəllimlərinə dərin təşəkkürlərini ifadə etmişlər. Liseyin direktoru Sevinc Orucova çıxış edərək həm şagirdləri, həm də onların valideynlərini təbrik etmiş və şagirdləri dərs ilinin sonunda keçiriləcək imtahandan azad etməklə onları mükafatlandırmışdır.
