GÇH fənni üzrə açıq dərs
28.03.2019-cu il tarixində liseydə GÇH fənni üzrə liseyin hərbi hazırlıq müəllimi Fərrux Salamov açıq dərs keçmişdir. Məqsəd şagirdlərin hərbi vətənpərvərlik tərbiyəsinin gücləndirilməsindən ibarət idi. Açıq dərs zamanı Fərrux Salamov Cənubi Qafqazın ən böyük gücünə malik Azərbaycan ordusunun həm texniki təchizat, həm də döyüş qabiliyyəti baxımından dünya miqyasında güclü ordular sırasında olmağını bildirmişdir. Azərbaycan Silahlı Qüvvələri öz gücünü, qüdrətini və peşəkarlığını 2016-cı ildə baş verən və dörd gün davam edən aprel döyüşləri zamanı bir daha düşmənə sübut etdi. Azərbaycan Respublikasının Prezidenti, Ali Baş Komandan cənab İlham Əliyevin müasir ordumuzun quruculuğunda müstəsna rolu olduğunu vurğulamış, ordumuzun yüksək peşəkarlıq, ciddi nizam intizam, lazımi səviyyədə təchizat, yetərli maddi-texniki baza ilə təchiz edilməsindən bəhs etmişdir.
