Xocalı Soyqırımının 27-ci ildönümü
25.02.2019 il tarixində 291N-li Ekologiya liseyi və 200 N-li MLK nın birgə əməkdaşlıgı ilə Xocalı soyqırımınin 27-ci il dönümünə həsr olunmuş* Xocalı yurdunun cəngavərləri-Döyüşə səsləyir igid ərləri* adlı ədəbi-bədii kompozisiya kecirilmişdir. Rayon İcra Hakimiyyətinin rəhbərliyi, idarə, müəssisə və təşkilat rəhbərləri, rayon ictimaiyyətinin və rayon ərazisində məskunlaşmış Xocalıdan olan məcburi köçkün və şəhid ailələrinin qatıldığı tədbiri giriş sözü ilə açan Nərimanov Rayon İcra Hakimiyyətinin başçısı Abdin Fərzəliyev Xocalı faciəsi barədə ətraflı məlumat verərək Azərbaycan tarixində ən qanlı hadisələrdən biri olan, erməni silahlı dəstələri tərəfindən xalqımıza qarşı törədilən bu cinayət hadisəsi zamanı dinc əhalinin xüsusi qəddarlıqla qətlə yetirildiyini, əsir götürülən insanların isə dəhşətli işgəncələrə, zülm və təhqirlərə məruz qaldıqlarını qeyd edib.
Tədbirdə şagirdlərimiz Ali Baş Komandanımızın rəhbərliyi altında şanlı ordumuzun mənfur düşmənə qan udduraraq işğal altında olan torpaqlarımızın bir hissəsini azad etdiyi aprel döyüşləri, uğurlu Naxçıvan əməiyyatları xatırladaraq, Azərbaycanın haqq səsinin eşidiləcəyinə, ermənilərin mənfur əməllərinin beynəlxalq səviyyədə qınaq obyektinə çevriləcəyinə, Xocalı qətliamının təqsirkarlarının haqlı cəzalarına çatacağına, Azərbaycan xalqının işğal altındakı bütün torpaqlarını düşməndən tezliklə azad edəcəyinə, əzəli torpaqlarımızdan didərgin düşmüş həmvətənlərimizin öz ata-baba yurdlarına qayıdacaqlarına və ölkəmizin ərazi bütövlüyünün bərpa olunacağına əminlik ifadə etmişlər.
