Xocalı yurdunun cəngavərləri, döyüşə səsləyir igid ərləri
20.02.2019-cu il tarixində liseydə Xocalı Soyqırımının 27-ci ildönümünə həsr edilmiş "Xocalı Yurdunun cəngavərləri, döyüşə səsləyir igid ərləri" adlı ədəbi-bədii kompozisiya liseyin UBR-i Ətlaz Zeynalovanın təşkilatçılığı ilə keçirilmişdir. Azərbaycan Dövlət himninin səsləndirilməsi ilə başlayan tədbirdə Xocalı şəhidlərinin xatirəsi bir dəqiqəlik sükutla yad edildi və Xocalı Soyqırımı haqqında geniş məlumat verildi. Liseyin şagirdləri "Vətən desin", "Susmaram","Şəhidlər ölməz, vətən bölünməz" kompozisiyalarını təqdim etdilər,Xocalının beş milli qəhrəmanı haqqında məlumat verdilər. Liseyin tarix müəllimi Şəfiqə Ağayevanın "Qarabağ qarabağlıların gözü ilə" şərhi hər kəsi bir daha vətənpərvər olmağa səslədi. 7ç sinif şagirdi Həbib Kərimovun ifasında Məmməd Arazın "Ayağa qalx Azərbaycan" şeiri tamaşaçıları riqqətə gətirdi. Tədbir liseyin direktoru Kəmalə Mirzoyevanın çıxışı ilə sona yetdi.
