Dilimiz varlığımızdır
22.02.2016-cı ildə Azərbaycan dili və ədəbiyyatı aylığının qrafiki üzrə Beynəlxalq Ana dili gününə həsr olunmuş "Ana dilim, doğma dilim" adlı ədəbi-bədii kompozisiya keçirildi. Liseyin həm Azərbaycan , həm də rus bölməsinin müxtəlif sinif şagirdlərinin iştirakçısı olduğu tədbirdə Azərbaycan dilinin ahəngdarlığından, zənginliyindən söz açıldı, laylalar, bayatılar, oxşamalar, şeirlər və musiqi nömrələri, səhnəciklər xüsusi yer aldı. Tədbirin sonunda liseyin direktoru Sevinc Orucova şagirdlərə dilimizi sevməyi, onun keşiyində dayanmağı tövsiyə etdi və tədbirin təşkilatçılarına, xüsusilə Azərbaycan dili və ədəbiyyat müəllimi Gülbahar Abbasovaya isə öz təşəkkürnü bildirdi.
