Bilik günü
15.09.2018-ci il tarixdə liseyimizdə “Bilik günü” qeyd olunmuşdur. Azərbaycan Respublikasının Dövlət himninin səsləndirilməsi ilə başlayan tədbirdə liseyin rəhbəri K.R.Mirzoyeva çıxış edərək yeni tədris ilində qarşıya qoyulan məqsədlərdən, təhsil sahəsində aparılan islahatlardan söz açıb, məktəb məzunlarının qəbul imtahanlarındakı uğurlarından, 2018-ci ildə liseyimizin "Təhsildə inkişaf və innovasiyalar üzrə 2-ci qrand müsabiqəsi"nin qalibi olmağından, məzunumuz Nağızadə Elşənin Türkiyədə keçirilən 27-ci Dr. İbrahim Arıkan MEF Təhsil Təşkilatları Araşdırma Proyektlər Yarışmasında iştirak edərək "Ən yaxşı layihə" nin sahibi adını qazanmağından, 11 B sinif şagirdi Bayramlı Turanın Hollandiyada İJSO vəqfinin təşkilatçılığı ilə 14-cü "Beynəlxalq Gənclər Elmi Olimpiadası"nda iştirak edərək bürünc medal qazanmağından bəhs etmişdir.
“Bilik günü”ndə iştirak edən qonaqlar yeni dərs ilinin başlanması münasibətilə məktəbliləri, valideynləri və müəllimləri təbrik edib, onlara uğurlar arzulamışdırlar.Sonra məktəblilərin iştirakı ilə mahnılar və rəqslərdən ibarət konsert proqramı təqdim etdirilmişdir. Tədbirdən sonra şagirdlər, müəllimlərlə görüşüb, sinif otaqları, dərs cədvəli ilə tanış olub, siniflərin növbəliliyi barədə məlumatlandırılmışdırlar
