Biomüxtəliflik gününə həsr edilmiş tədbir
22 may 2018-ci il tarixdə liseydə Biomüxtəliflik gününə həsr edilmiş tədbir təşkil edilmişdir. Tədbir biologiya müəllimi Əliyevə Sədaqət tərəfindən tərtib edilmişdir. Tədbirdə 6 “Ç”, 6“A” , 7 “A” sinif şagirdləri fəal iştirak etmiş və "Xəzər sahilində bir gün", "Tuqay meşələri" və s. səhnəciklərə çıxış etmişdirlər. Şagirdlər çıxışlarında bildirdilər ki, təbii sərvətlərin mühüm tərkib hissəsi olan bioloji müxtəliflik – bütün yaşayış mühitlərində, o cümlədən quruda, dənizdə və digər su ekosistemləri və ekoloji komplekslər də daxil olmaqla canlı orqanizmləri özündə birləşdirir. XX əsrin ortalarından etibarən bioloji müxtəlifliyə və ekosistemlərə təhlükə törədən amillərin sayı artmış, insan fəaliyyəti nəticəsində ekosistemlər deqradasiyaya uğramış, bir çox fauna və flora növləri, cinslər məhv olmuş və ya onların sayı kəskin surətdə azalmağa başlamışdır. Bioloji müxtəlifliyin belə itkisi onun qorunub saxlanılması və davamlı istifadəsinə dair ciddi tədbirlərin görülməsini tələb edir. İnsanlar təbətə qayğı göstərməklə, onları çirklənmədən qorumaqla bu problemin həllində kömək ola bilər. Sonda tədbiri liseyin direktoru K.R.Mirzoyeva sözləri ilə yekunlaşdırmış, tədbirdə "Xəzər sahilində bir gün" səhnəciyinin müəllifi olan liseyin Azərbaycan dili və ədəbiyyat müəllimi Tamara Heydərqızına və əməyi keçən müəllim, valideyn və şagird heyyətinə dərin minnətdarlıq bildirmişdir.
