Liseydə bayram şənliyi
30 dekabr 2015-ci il tarixdə liseydə Dünya Azərbaycanlılarının Həmrəylik gününə və Yeni il bayramına həsr olunmuş şənlik keçirildi. Akt zalında əsl bayram əhval -ruhiyyəsi hiss olunurdu. Liseyin ingilis dili müəllimi Gülnarə Cəfərovanın hazırladığı tədbirdə Azərbaycan, rus və ingilis dillərində çıxışlar səsləndi. Rəngarəng musiqi nömrələri və səhnəciklər bayramı daha da canlandırırdı. Bayram şənliyi hər kəsə xoş təssürat bağışladı. Tədbirdə iştirak edən liseyin direktoru Sevinc Orucova şənliyin təşkilatçılarına, çıxış edən şagirdlərə öz minnətdarlığını bildirdi və pedaqoji kollektivi, şagird və valideynləri Dünya Azərbaycanlılarının Həmrəylik günü və Yeni il bayramı münasibətilə təbrik edərək onlara xoş arzularını çatdırdı.
