20 Yanvar faciəsi
19 yanvar 2018-ci il tarixdə liseydə 20 Yanvar faciəsi ilə bağlı növbəti tədbirlər keçirilmişdir. İlk dərslər və təşkilat saatları 20 Yanvar faciəsinə həsr edilmişdir. "Şəhidlik zirvəsi" adlı ədəbi-bədii kompozisiya keçirilmişdir. Tədbiri giriş sözü ilə liseyin təşkilatı işlər üzrə direktor müavini Z.Qasımova açmışdır. Tədbirdə 20 Yanvar Şəhid Ailələri Cəmiyyətinin sədri, şəhid-şair Ülvi Bünyadzadənin qardaşı Şövqi Bünyadzadə və 20 Yanvar qazisi Tahir Həsənov iştirak etmişdirlər. Şagirdlərin çıxışlarından sonra söz qonaqlara verildi. Ş.Bünyadzadə liseyin müdiriyyətinə və şagirdlərə bu tədbiri hər il bir-birindən fərqli, dolğun hazırladıqlarına görə təşəkkür etdi. T.Həsənov isə o günlərin ağrı-acılarından danışdı. Tədbirin sonunda liseyin direktoru Kəmalə Mirzoyeva tədbirin ərsəyə gəlməsində hər kəsə öz təşəkkürünü bildirdi, tədbirin qonaqlarına isə vaxt tapıb gəldikləri üçün və dəyərli çıxışları üçün minnətdarlıq etdi.
Həmin gün liseyin şagirdləri 1 saylı Şəhər Klinik Xəstəxanasında tibb personalı qarşısında 20 Yanvar faciəsi ilə bağlı tədbirlə də çıxış etmişlər.
