Bayramlar günü
13.11.2015-ci il tarixdə Ekologiya liseyində böyük təntənə ilə Bayraq günü, Konstitusiya günü və Milli Dirçəliş günü qeyd edildi. IX siniflərin tarix fənni üzrə bilik yarışması bu möhtəşəm bayramlara həsr edilmişdi. Şagirdlərin məntiqi sualları və dolğun cavabları, nümayiş etdirdikləri səhnəcikləri tədbir iştirakçılarında böyük təəssürat oyatdı. Komandaların çıxışlarını qiymətləndirən jüriyə sədrlik edən liseyin direktoru Sevinc xanım Orucova şagirdlərə öz təşəkkürünü bildirdi, onlara gələcəkdə yeni uğurlar arzuladı. Eyni zamanda bilik yarışmasının təşkilatçısı liseyin tarix müəllimi Şəfiqə Ağayevaya və bu yarışmanın ərsəyə gəlməsində göstərdiyi köməyə görə liseyin Uşaq Birliyinin Rəhbəri Ətlaz Zeynalovaya öz minnətdarlığını bildirdi. Tədbirin sonunda iştirakçılar hədiyyələrlə, komandalar isə diplomla təltif edildi.
