Liseydə ilk fənn aylığı
Liseydə 01 oktyabr 2017-ci il tarixindən xarici dil fənni üzrə ilk fənn aylığına start verilmişdir. Dərs ilinin başladığı ilk gərgin həftələrdə bu məsuliyyəti xarici dil fənn metod birləşməsi öz öhdəsinə götürmüşdür. Fənn aylığı ərzində divar qəzetləri, referatlar hazırlanmış, dəhlizlərin tərtibatında xüsusi dəyişikliklər edilmişdir. 6,7 və 8 ci siniflərdə liseyin müəllimlərindən Əliyeva Gülarə “Liseyin səsi” mahnı müsabiqəsi, Məmmədova Arzu “Heyvanlar”, Salahova Nəzakət “Azərbaycanda hansı bayramları sevirsiniz? Şifahi və qrammatik dil vərdişlərinin inkişafı. Sifətin dərəcələri”, Matveyeva Anna “Qlobal dil”, Cəfərova Gülnarə “Britaniyada bayramlar”, Məmmədova Mələk “Faydalı heyvanlar” mövzularında bir-birindən maraqlı və dolğun açıq dərslər verilmişdir. 30 oktyabr 2017-ci il tarixində xarici dil fənn aylığına yekun vurulmuşdur. Yekunda şagirdlər ingilis dilində müxtəlif mahnılar səsləndirərək fənn aylığının bağlanış mərasimini keçirmişlər.
