Liseydə fənn aylığı davam edir
Məlum olduğu kimi liseydə oktyabr ayından başlayaraq tədris ilinin sonunadək fənn aylıqları keçirilir. Hal-hazırda ibtidai siniflərin fənn aylığı öz işini davam etdirir. Dərs ilinin sonuna yaxınlaşmasına baxmayaraq bu sonuncu fənn aylığıda öz məhsuldarlığı ilə seçilir. Mayın 1-dən start götürən ibtidai siniflərin fənn aylığında 3a sinfində Süleymanova Telli kurikulumun bütün tələblərinə cavab verən nümunəvi açıq dərs vermişdir. 3b sinfində Şirinova Nərgiz açıq dərs verməklə yanaşı, 28 May Respublika gününə həsr olunmuş tədris yönümlü maraqlı və dolğun məzmunlu tədbir hazırlamışdır. 2a sinfində əməkdar müəllim Tağıyeva Qəmər 1 iyun Uşaqların Beynəlxalq Müdafiə Gününə həsr olunmuş ədəbi-bədii kompozisiya hazırlamışdır. Xatırladaq ki, ibtidai siniflərin fənn aylığı iyunun 10-da öz işini başa vuracaqdır.
