"İnno Bala" Yaradıcı İnkişaf Mərkəzində maarifləndirici və əyləncəli ekskursiya təşkil olunub
22 dekabr 2024-cü il tarixdə Azad Hümbətov adına 291 nömrəli Ekologiya liseyinin 7b sinif şagirdləri informatika müəllimi Nuranə İbrahimxəlilovanın təşkilatçılığı ilə "İnno Bala" Yaradıcı İnkişaf Mərkəzində maarifləndirici və əyləncəli ekskursiyada iştirak ediblər.
Ekskursiya zamanı şagirdlər robotexnika dərslərində robotların quruluşu və iş prinsipləri ilə yaxından tanış olub, təbiət elmlərinə aid maraqlı təcrübələr aparıb və “Yaradıcı Əllər” adlı master-klassda öz yaradıcılıqlarını sərgiləyiblər.
Fəaliyyətlər interaktiv və əyləncəli mühitdə təşkil olunaraq, uşaqların elmi marağını artırmaq, yaradıcılıq qabiliyyətlərini inkişaf etdirmək və onları gələcəyin innovativ gəncləri kimi formalaşdırmaq məqsədini daşıyır.
