"Ən uca zirvədir şəhid" adlı xatirə gecəsi keçirilib
25 oktyabr 2024- cü ildə liseydə Uşaq Birliyinin Rəhbəri Ətlaz Zeynalovanın təşkilatçılığı ilə liseyin şəhid məzunu, Vətən Müharibəsi Qəhrəmanı, baş leytenant Azad Arif oğlu Hümbətovun anım gününə həsr olunmuş "Ən uca zirvədir şəhid" adlı xatirə gecəsi keçirilib.
Tədbirdə liseyin pedoqoji kollektivi, valideynlər və şəhidin atası iştirak edib. Azərbaycan Respublikasının Dövlət himni səsləndirilib və qəhrəmanımızın xatiirəsi bir dəqiqəlik sükutla yad edilib.
Daha sonra səhnə şagirdlərin ixtiyarına verilib. 7b sinif şagirdlərinin iştirakı ilə təqdim edilmış bu tədbir böyük vətənpərvərlık hissi ilə təqdim olunub. Azad Hümbətovun döyüş yolu işiqlandırılıb və onun xatirəsinə həsr olunmuş mahnı şeir, video-çarxlar və dəyərli məlumatlar səsləndirilib.
Azad Hümbətovun qəhrəmanlığını əks etdirən "Ən uca zirvədir şəhid" adlı kompozisiya isə tamaşaçıları kövrəltsə də, onlara fəxr və qürur hissi yaşadıb. Şagirdlərin hazırladığı foto stendlər isə onların qəlbindəki yüksək vətənpərvərlik hissini nümayiş etdirib.
Təbbirin sonunda "Ən uca zirvədir şəhid", " Şəhidlər ölməz, vətən bölünməz" və digər şüarlar səslənib.
Tədbirin bədii hissəsi başa çatdıqdan sonra çıxışlara yer verilib.
Liseyin direktoru, filologiya elmləri üzrə fəlsəfə doktoru Arif Əsədov qəhrəmanlarımızın keçdiyi şanlı döyüş yolundan və bu doyüş yolunun gələcək nəsillərə bir örnək olduğunu qeyd edib.
Daha sonra şəhidin atası Arif Hümbətov çıxış edərək Azadla bağlı xatirələrindən və onun keçdiyi qəhrəmanlıq yolundan söhbət açıb.
Sonda 7b sinfinin sinif rəhbəri Nuranə İbrahimxəlilova çıxış edərək şagirdlərə hər zaman vətənpərvər olmağı və Azadın adına layiiq olmağa səsləyib.
